काठमाडौँ । अनलाइन पत्रकार संघले प्रेस काउन्सिल नेपाल पूर्वाग्रही बनेको बताएको छ । बुधबार एक विज्ञप्ति जारी गर्दै संघले परम्परागत सञ्चारमाध्यमका लागि लोक कल्याणकारी विज्ञापन दोब्बर बनाउन सरकारलाई सुझाव दिने तर अनलाइनसहितका डिजिटल न्यु मिडियालाई बेवास्ता गर्नुले काउन्सिल पूर्वाग्रही बनेको ठहर गरेको हो ।

संघका सचिव गोविन्द मरासिनीले विज्ञप्ति जारी गर्दै प्रेस काउन्सिल नेपालले मंगलबार पत्रपत्रिकाले पाउँदै आएको लोककल्याणकारी विज्ञापन बापतको रकम वृद्धि गर्न दिएको सुझावप्रति अनलाइन पत्रकार संघको ध्यानाकर्षण भएको उल्लेख गरेका छन् ।

संघले सरकारलाई सुझाव दिँदा सबै सञ्चारमाध्यमलाई प्रोत्साहन र प्रवर्धनमा गम्भीर बन्न र सबै सञ्चारमाध्यमलाई एकै नजरले हेर्न माग गरेको छ ।