पोखरा, मेडिकल व्यवसायी दुर्गा प्रसाईँले काठमाडौंको बल्खु र एमाले निकट युवा संघ नेपालले तीनकुनेमा सभा आयोजना गरेका छन् ।
गणतन्त्रविरोधी अभियान्ता दुर्गा प्रसाईँको नागरिक बचाऊ अभियान र एमालेनिकट युवा–विद्यार्थी विशेष शक्ति प्रदर्शनले काठमाडौंको वातावरण केही तनावपूर्ण पनि हुन पुगेको थियो । दुवै पक्षको ¥याली कार्यक्रमस्थलतर्फ लाग्दा ढुंगा हानाहानको अवस्था समेत सिर्जना हुन पुगेको थियो ।
युवा संघको ¥याली तीनकुनेबाट कोटेश्वर हुँदै पुनः तीनकुने आएर सभामा परिणत भएको थियो । एमाले नेता महेश बस्नेत, युवा संघका अध्यक्ष क्षितिज थेबे, अनेरास्ववियुका अध्यक्ष समिक बडालले ¥यालीको नेतृत्व गरेका थिए ।
यसैगरी उपत्यका भित्रिएका दुर्गा प्रसाईँका समर्थकहरू पनि कार्यक्रमस्थल बल्खुतर्फ पुगेर कार्यक्रममा सहभागी भएका छन् । बल्खुतर्फ जाने ¥यालीका लागि छुट्टाछुट्टै रुट तय गरिएको थियो ।
काठमाडौंको बल्खुमा प्रदर्शनरत दुर्गा प्रसाईंको समूह र प्रहरीबीच झडप भएको थियो । बल्खुमा चक्रपथमा प्रदर्शन गरिरहेकाहरु प्रहरी घेरा तोडेर कालीमाटीतर्फ जान खोजेपछि प्रहरीले बल प्रयोग गरेर अश्रुग्यास र पानीको फोहोरा हानेको जनाइएको छ । कतिपय संचार माध्यमले भने युवा संघका कार्यकर्ताले ढुंगा हानेपछि झडप भएको उल्लेख गरेका छन् ।
दुवै पक्षको प्रदर्शनलाई मध्यनजर गर्दै सुरक्षाकर्मी बाक्लोरूपमा परिचालन गरिएको छ । कार्यक्रमस्थल जाने सडकमा सवारी आवागमन ठप्प छ । ट्राफिक र सुरक्षाकर्मीले ठाउँठाउँबाट सवारीसाधन डाइभर्ट गरेका छन् ।
उपल्लो तस्वीर बल्खु र तल्लो तीनकुने
