पोखरा । गण्डकी प्रदेश सभाका नवनिर्वाचित सभा सदस्यहरुले विहीबार सपथ लिएका छन् । ५९ जना सभासदस्यहरुलाई ज्येष्ठ सदस्य मित्रलाल बस्यालले शपथ गराएका हुन् ।
५६ सांसदले नेपाली भाषामा सपथ लिए भने ३ जना सांसदले मातृभाषामा शपथ लिएका थिए। मातृभाषामा सपथ ग्रहण गर्ने तीनै जना सांसद समानुपातिक सूचीबाट आएका हुन् ।
नेपाली काँग्रेसको तर्फबाट समानुपातिक सांसद बनेकी कास्कीकी सरस्वती गुरुङ र स्याङ्जाका पन्चराम गुरुङले गुरुङ भाषामा तथा लमजुङकी पार्वती तामाङले तामाङ भाषामा शपथ लिएकी हुन् ।
सांसद सरस्वती गुरुङले कसैलाई विभाजन गर्न नभई आफ्नो जातीय पहिचान संरक्षण गर्न गुरुङ भाषामा सपथ ग्रहण गरेको स्पष्ट पारिन् । उनले भनिन् विभाजन गर्न होइन कि पहिचान भेटाउन भन्ने सन्देश दिन गुरुङ भाषामा सपथ लिएकी हुँ ।
यसैबीच गोरखाका सांसद नन्दप्रसाद न्यौपानेले भागवत गीतालाई हातमा लिएर शपथ लिएका छन् । ज्येष्ठ सांसद बस्याललाई बुधबार प्रदेश प्रमुख पृथ्वीमान गुरुङले शपथ गराएका थिए
