पोखरा । कर्मचारी बचत तथा ऋण सहकारी संस्था पोखराको १५ औं साधारणसभा सोमबार सम्पन्न भएको छ ।
साधारणसभामा उत्कृष्ठ कारोबार कर्ता कृष्ण प्रसाद बराल, कृष्णप्रसाद बाँस्तोला र मुनुमाया सारु मगरलाई सम्मान गरिएको थियो ।
यसैगरी उत्कृष्ठ मासिक बचत कर्ता पार्वती कोइराला, अनिता देवकोटा र कृष्ण मुरारी सिग्देलका साथै पूर्व समिति तथा उप–समिति अन्तर्गत शिक्षा समितिका गुरुप्रसाद बाँस्तोला, लेखा समितिका गुरु प्रसाद आर्याल र ऋण उपसमितिका गोमा कुमारी श्रेष्ठ र लिलाप्रसाद पंगेनीलाई सम्मान गरिएको थियो ।
यसैगरी उत्कृष्ट ऐच्छिक बचत प्रेमप्रसाद ढकाल, पदमबहादुर घिमिरे र गीता वि.क., सदस्य वृद्धि अभियानका तर्फबाट अर्जुन गुरुङ, डिल्लीराम रेग्मी, रन्जना पोख्र्ररेल, मुक्ति गिरी र सुमन शर्मा, जेष्ठ सदस्यहरु राम कोइराला, रचना गुरुङ र हरिमाया सिग्देलका साथै उत्कृष्ट कर्मचारीका रुपमा शारदा गिरीलाई सम्मान गरिएको थियो ।
प्रमुख जिल्ला अधिकारी टेकबहादुर के.सीको प्रमुख आतिथ्यता र जिल्ला सहकारी संघ कास्कीका अध्यक्ष सावित्रा कोइरालाको विशिष्ट आतिथ्यतामा सम्पन्न पहिलो सत्र कार्यक्रममा नेपाल निजामति कर्मचारी युनियन केद्रिय कार्यसमितिका निर्वातमान बरिष्ठ उपाध्यक्ष सुुरेन्द्रप्रसाद अधिकारी, नेपाल निजामति कर्मचारी युनियन गण्डकी प्रदेश संयोजक दिपक रेग्मी, कास्की बचत तथा ऋण सहकारी संघ लि.का कोषाध्यक्ष शेयरबहादुर कार्की, निर्वतमान अध्यक्ष सुदिप ढकाल र सहकारी समिति पोखरा महानगरका अध्यक्ष रवि रमण तिवारीले आ आफ्नो भनाई राखेका थिए ।
अध्यक्ष महेशकुमार सिग्देलको अध्यक्षतामा सम्पन्न साधारणसभा कार्यक्रमको सञ्चालन केदार सापकोटाले गरेका थिए ।
साधारणसभाको दोस्रो सत्रमा सचिव, कोषाध्यक्ष, लेखा सुपरिवेक्षण एवम् लेखा परीक्षण समितिले आ आफ्नो प्रतिवेदन प्रस्तुत गरेका थिए ।
प्रतिक्रिया लेख्नुहोस्:-