पोखरा २३ । स्थानीय तहको निर्वाचनकालागि मतदातासंग प्रत्यक्ष भेट गर्नुका साथै अमूल्य मत माग्नका लागि पोखरा महानगरपालिका वडा नं १४ का उम्मेदवारहरुले शुक्रबार पनि घरदैलो कार्यक्रमलाई जारी राखेका छन् ।
नेपाली काँग्रेसबाट वडा अध्यक्ष पदमा उम्मेदवार बनेका बोधराज कार्की सहित गठबन्धन दलका वडा सदस्य पदका उम्मेदवार एवम् कार्यकर्ताहरुले मतदातासंग प्रत्यक्ष भेटघाट गर्न घरदैलो अभियान जारी राखेका हुन् ।
कार्यकर्ता सहित उम्मेदवारहरुले अनुगमन टोल, प्रगति टोल, स्वागतनगर टोलमा घरदैलो गरी नेपाली काँग्रेस लगायत गठबन्धन दललार्ई मत दिन अनुरोध गरेका थिए । कसरी मत हाल्ने भन्ने मतदाताशिक्षा पनि दिदै घरदैलो गरिएको काँग्रेस वडा नं १४ का ईकाई सचिव सविना क्षेत्रीले जानकारी दिइन् ।
कार्यकर्ता एमव् मतदाताको उत्साहजनक सहभागिता रहेको घरदैलो कार्यक्रममा वडा अध्यक्ष पदका उम्मेदवार बोधराज कार्कीले वडा नं १४ को आर्थिक, सामाजिक, साँस्कृति विकासका साथै हरेक टोलको समस्या समाधानमा सधै साथ रहने प्रतिबद्धता जनाए ।
कार्यकर्ताहरुले टोलवासीको हित र विकासकालागि बोधराज कार्की नेतृत्वको प्यानललाई अमुल्य मतले विजयी गराउनु भन्दै नारा लगाएका थिए । कार्कीको नेतृत्वमा वडा सदस्य पदका लागि तनुजा थापा, दिलमाया गुरुङ, शिव कँडेल र कृष्णहरी काफ्ले उम्मेदवारमा रहेका छन् ।