पोखरा । गण्डकी प्रदेश सरकार कानुन ,संचार तथा प्रदेश सभा मामिला मन्त्रालयको लोक कल्याणकारी विज्ञापन सिफारिस तथा समन्वय समितिको सदस्यमा पत्रकार अधिकारी र तिमिल्सिना मनोनयन भएका छन् ।
मन्त्रालयका मन्त्री विन्दुकुमार थापाको मन्त्रीस्तरको निर्णयबाट पत्रकारद्वय टंकराज अधिकारी र सरीता तिमिल्सिना पंगेनी मनोनयन भएका हुन् ।
साउन १९ गतेको मन्त्रीस्तरको निर्णयले उनीहरुलाई सदस्यमा मनोनयन गरिएको बताईएको छ ।
तिमिल्सिना नेपाल पत्रकार महासंघ र नेपाल प्रेस युनियनका केन्द्रीय सदस्य हुन् भने अधिकारी नेपाल प्रेस युनियन गण्डकी संयोजक हु्न् ।
२३ श्रावण २०७८, शनिबार ०८:०८ मा प्रकाशित
