पोखरा, कस्केली अधिकृत समाजको यहि माघ १० गते हुने ११ औं साधारणसभा एवम् आठौं अधिवेशनको तयारी भैरहेको छ समाजका सचिव महेश पौडेलले दिएको जानकारी अनुसार अधिवेशनका अवसरमा समाजले प्रकाशन गरेको अधिकृत आवाज २०८२ (अङ्क ११) लोकार्पण समेत गरिने छ ।

अधिकृत आवाजको प्रधान सम्पादकमा दुुर्गाबहादुर शाह ‘बाबा‘, सम्पादकहरूमा चन्द्रबहादुर सुवेदी, देवेन्द्र केसी ‘देवुु’, ऋषिराम लामिछाने र वसन्त चालिसे रहेका छन । त्यस्तै अधिकृत आवाजको प्रकाशन तथा व्यवस्थापन समितिको संयोजकमा महेश पौडेल तथा सदस्यहरूमा विष्णुप्रसाद पोखरेल, सुमित्रा मल्ल उदास, अनिलकुमार शाही, वासुदेव पौडेल, सन्तोष ढुङ्गाना र चन्द्रवती अधिकारी वाग्ले रहेका छन।

साधारणसभा तथा अधिवेशन सम्पन्न गर्न विभिन्न चारवटा उप समितिहरू गठन गरिएको छ। उपसमितिका संयोजकहरूमा संस्थाका अध्यक्ष चन्द्रबहादुर सुवेदी, उपाध्यक्ष लोकनाथ दवाडी, सचिव महेश पौडेल र सदस्य सन्तोष ढुङ्गाना रहेका छन ।