पोखरा, नेपाली काँग्रेस पोखरा महानगरपालिका -२६ कार्यसमितिका सभापति शिबबहादुर रानाभाटलाई मातृशोक परेको छ। केहि समय अगाडी ब्रेनहेमरेज भएका कारण अस्वस्थ्य रहेकी कलिकुमारीको उपचारकै क्रममा निधन भएको हो।
रानाभाटकी आमा कलि कुमारी रानाभाटको ९३ बर्षको उमेरमा हालै अर्थात् जेठ १६ गते निधन भएको हो। स्व. रानाभाटका दुई छोराहरु दुर्गाबहादुर रानाभाट र शिबबहादुर रानाभाट तथा छोरीहरु इन्द्रकुमारी रानाभाट, मंगला रानाभाट र शान्ति रानाभाट रहेको छन।
स्व. रानाभाटलाई एक असल आमा र धार्मिक एबम सामजिक व्यक्तित्वको रुपमा सबैले चिन्ने गरेको कांग्रेस नेता समेत रहेका स्थानीय बासिन्दा यज्ञबहादुर थापाले गुरुकुल खबरलाई जानकारी दिए।
पोखरा- २६ भवानी चोक निबासी रानाभाटको परिवार नेपाली काँग्रेसको राजनीतिमा लामो समयदेखि क्रियाशील रहँदै आएको छ। कांग्रेसको राजनीति बाहेक विभिन्न संघसंस्था र सहकारीहरुमा पनि शिव बहादुर र दुर्गाबहादुर रानाभाट सक्रिय रहँदै आएको छन ।
यसैबीच, पोखरा महानगरपालिका वार्ड नम्बर २६ गैरथर निवासी नेपाली कांग्रेसका क्षेत्रीय प्रतिनिधि श्रीकान्त ढुंगाना र सामाजिक ब्यक्तित्व दया सागर ढुंगानालाई पितृ शोइक परेको छ। श्रीकान्तका बुवा खेमलाल ढुंगानाको ९२ वर्षको उमेरमा हालै निधन भएको हो ।
