काठमाडौं, अविरल वर्षाका कारण यहि असोज १० देखि १३ गतेसम्म आएको बाढीपहिरो र डुबानका घटनाबाट हालसम्म देशभर २ सय ४६ जनाको मृत्यु भएको छ । यस अवधिमा प्राकृतिक विपद्का घटनामा परेका १८ जना अझै बेपत्ता छन भने १ सय ७८ जना घाइते भएका प्रहरीले जनाएको छ ।
नेपाल प्रहरीको प्रधान कार्यालयले दिएको जानकारी अनुसार १७ हजार १ सय ७४ भन्दा बढी मानिसहरुलाई त्यस अबधिमा उद्धार गरिएको थियो ।
यस पटकको बाढीपहिरोमा परी वाग्मती प्रदेशमा सबैभन्दा बढी १ सय ३९ जनाले ज्यान गुमाएको पुष्टि भएको छ । वाग्मती प्रदेशमा मात्र सात जना बेपत्ता छन् । काठमाडौं उपत्यकामा मात्र ७० जनाको मृत्यु भएको छ ।
बाढीपहिरोमा परी कोसी प्रदेशमा २० जनाले ज्यान गुमाएका छन् भने त्यस प्रदेशमा २० जना बेपत्ता रहेको प्रहरीले जनाएको छ । मधेस प्रदेशमा नौ जनाको मृत्यु भएको छ भने लुम्बिनी प्रदेशमा दुईजनाको मृत्यु भएको प्रहरीले जनाएको छ ।
वर्षासँगै बाढीपहिरोले सडक, पुल, सार्वजनिक सम्पत्ति, व्यक्तिका निजी घर तथा आवासलगायत भौतिक संरचनामा पनि ठूलो क्षति पुगेको छ ।
