पोखरा । झरना साहित्यिक परिवार मकवानपुर मकवानपुरको २८८औं साहित्य शृङ्खला तथा २९ औँ मुक्तक-साँझ शनिबार सम्पन्न भएको छ ।
कार्यक्रममा झरना साहित्यिक परिवार मकवानपुरका संस्थापक अध्यक्ष रमेशमोहन अधिकारीले आफ्ना मातापिताको स्मृतिमा स्थापना भएको १५ हजार ५ सय ५५ रुपैयाँ राशिको शिव–सावित्री अधिकारी स्मृति मुक्तक सम्मानबाट काठमाडौँका मुक्तककार रुद्र अधिकारी सम्मानित भएका थिए ।
कार्यक्रममा स्थानीय मुक्तककारहरूका साथमा पोखराका मुक्तककार प्राञ्जल र चितवनकी मुक्तककार बिमला अधिकारीले आफ्ना आधा दर्जन मुक्तकहरू वाचन थिईन् ।
मुक्तक प्रतियोगिता अन्तर्गत सहभागीहरू २१ मध्येका १० जनाका उत्कृष्ट मुक्तकहरू वाचन गरिएको थियो ।
प्रतियोगितामा बुद्ध मावि बकैयाकी सुमिना दाहालको मुक्तक सर्वोत्कृष्ट भए। दाहाललाई ५ हजार ५ सय ५५ नगद राशीको शिव–सावित्री स्मृति नवप्रतिभा पुरस्कार प्रदान गरिएको थियो ।
झरना साहित्यिक परिवार मकवानपुरका अध्यक्ष विश्वनाथ सञ्जेलको अध्यक्षता र नियात्राकार निर्मोही व्यासको प्रमुख आतिथ्यतामा कार्यक्रम सम्पन्न भएको थियो ।
कार्यक्रममा साहित्यिक सङ्गम मकवानपुरकी अध्यक्ष अनिता न्यौपाने, आँचल साहित्य कला पुञ्ज मकवानपुरकी अध्यक्ष भावना सापकोटा, गजल मञ्च मकवानपुरका अध्यक्ष केशव समर्पण, मुक्तक मञ्च मकवानपुरका अध्यक्ष डिबी बर्तौला, सिस्नुपानी नेपाल मकवानपुरका अध्यक्ष राजकुमार लामिछाने, नेपाली लेखक संघ मकवानपुरका अध्यक्ष छवि अनित्य, युग दर्पण साहित्य समाज मकवानपुरका अध्यक्ष ओमभक्त भण्डारी लगायतको आतिथ्यता रहेको थियो ।
झरना साहित्यिक परिवार मकवानपुरले २०६४ सालदेखि नियमित रूपमा मुक्तक साँझ गर्दै आइरहेको छ झरना साहित्यिक परिवार मकवानपुरका उपाध्यक्ष चिरञ्जीवी लामिछानेले जानकारी दिए ।
