अमेरिका, नेपाली कांग्रेसमा शशांक कोइरालाले नेतृत्व गरेको समुहले अमेरिकामा रहेका नेपाली काँग्रेस सम्बद्ध जनसम्पर्क समितिका नेता प्रमोद सिटौलालाई नेपाली जनसम्पर्क समिति, संयुक्त राज्य अमेरिकाको संयोजकमा जिम्मेवारी दिएपछि सिटौलाले समिति बिस्तार गरेका छन। सिटौला नेपाली जनसम्पर्क समिति अमेरिकाका संस्थापक नेता एबम सामाजिक व्यक्तित्वको रुपमा स्थापित छन ।
उनलाई अमेरिकाको संयोजक बनाउन अमेरिकाका जनसम्पर्क समितिका नेता सिपि पौडेल लगायतले प्रस्ताब गरेको बुझिएको छ। सिटौलाले आँफु संयोजक रहेको जनसम्पर्क समितिलाई २१ सदस्यीय कार्यसमिति बनाएर बिस्तार गरेका हुन ।
नयाँ समितिको सहसंयोजकमा संजिव श्रेष्ठ, सदस्य सचिवमा जितेन गुरुङ र सदस्यहरुमा भुवन आचार्य, राजु शाह, दिवाकर बागचन्द, इन्द्र सिटौला, सुमन वस्ती, शिव बानियाँ, सबिन बस्नेत, शिव मल्ल, राम बहादुर देउवा, अमृत ढकाल, श्याम यादव, विनोद शाह, दिपा बोहरा, कुशल नहर्पि, रोशन अधिकारी, दिपेन्द्र विष्ट, एकराज खड्का, भरत जोशी रहेका छन् ।
सिटौलाले पार्टीको नीति, सिद्धान्त र निर्देशनअनुसार कार्यसमिति गठन गरिएको जानकारी दिँदै अमेरिकामा रहेका लोकतन्त्रप्रेमी नेपालीलाई एकताबद्ध गर्दै संगठनलाई थप सुदृढ, सक्रिय र संस्थागत बनाउने प्रतिबद्धता व्यक्त गरेका छन् ।
नवगठित समितिले नेपाली कांग्रेसको आसन्न १५औँ नियमित महाधिवेशनलाई सफल बनाउन आवश्यक भूमिका निर्वाह गर्नु नै आँफुहरुको प्राथमिकता रहेको संयोजक सिटौलाले गुरुकुल खबरलाई जानकारी दिए। त्यसका लागि अमेरिकामा रहेका पार्टीका नेता, कार्यकर्ता, शुभेच्छुक तथा लोकतन्त्रप्रेमी नेपालीबीच समन्वय र सहकार्यलाई प्रभावकारी बनाइने उनले बताए ।
