पोखरा, पोखराका युवा उद्यमी किरण केसी नेपाली काँग्रेसको केन्द्रीय सदस्यमा निर्वाचित भएका छन् । कास्की क्षेत्र न. २ बाट महाधिबेशन प्रतिनिधि बनेपछि उनि पार्टीको केन्द्रिय महाधिबेशनमा खुल्ला तर्फबाट केन्द्रीय सदस्यको उमेदवार बनेकोमा लोकप्रिय मतका साथ निर्बाचित भएका हुन। केसी ४५ जना निर्बाचित सदस्यहरुमध्ये २ हजार ७७४ मत प्राप्त गरेर २८ औं स्थानमा रहेका छन। यसैगरी कास्कीका केसीसंगै तिलक रानाभाट र डा. कृष्णप्रसाद पौडेल पनि सोहि क्लस्टरबाट केन्द्रीय सदस्यमा निर्बाचित भएका छन। पौडेलले २ हजार ४५५ र रानाभाटले २ हजार ४४४ मत पाएका छन।

रानाभाट यस अगाडी बिशेष महाधिबेशनबाट केन्द्रीय सदस्य बनेको र पौडेल काठमाडौँमा बसेर पार्टीको बिभिन्न विभागमा काम गरेको भएपनि केसी पहिलो प्रयासमै खुल्लातर्फबाट बिजयी भएका हुन्। सोहि क्लस्टरबाट उमेदवार बनेका कास्की कांग्रेसका सभापति किशोरदत्त बराल भने १३५ मत नपुगेको कारण पराजित बनेका छन। बराल ४८ औं स्थानमा पुगेको छन। कास्कीबाट केन्द्रीय सदस्यमा उमेदवार बन्नेहरुको संख्या २० भन्दा बढी रहेपनि खुल्ला क्लस्टरबाट केसी, पौडेल र रानाभाट एबम खुला महिला क्लस्टरबाट लक्ष्मी पाण्डेमात्र बिजयी भएका छन ।

किरण केसी को हुन ? 

खुलातर्फ ४५ पदका लागि भएको निर्वाचनमा ८९ जना प्रतिस्पर्धामा रहेकोमा केसीलाई २८ औं स्थानमा रहेर निर्वाचित भए । उनले २ हजार ७ सय ७४ मत प्राप्त गरेका छन् । पोखराका राजनीतिकर्मी एबम प्रतिष्ठित उधोगी सुर्यबहादुर केसीका छोरा किरणले केसी ग्रुप अफ कम्पनिजको निर्देशकको रूपमा रहेर काम गरिरहेका छन। संघिय संसदको सदस्य एबम तत्कालिन पोखरा नगर पंचायतका प्रधानपन्च समेत रहेका केसीको निधनपछि छोरा किरणले आँफुलाई राजनीतिमा स्थापित गर्न अभियान शुरु गरेका हुन। उनि कांग्रेसको १४ औं महाधिबेशनमा पनि कास्की क्षेत्र न. २ बाट महाधिबेशन प्रतिनिधि निर्बाचित भएका थिए।

वित्तीय क्षेत्रतर्फ सन नेपाल लाइफ इन्स्योरेन्स लिमिटेडमा निर्देशक रहेका किरण माछापुच्छ्रे बैंक लिमिटेड र युनाइटेड अजोड इन्स्योरेन्स कम्पनी नेपाल लिमिटेड, निर्माण तथा हस्पिटालिटी क्षेत्रमा नेपालको ‘क’ वर्गको निर्माण कम्पनीको रूपमा केसी कन्स्ट्रक्सन फर्म र केसी कन्स्ट्रक्सन प्रालि तथा जयभद्रकाली डेभलपर्स कम्पनी प्रालिको बिभिन्न जिम्मेवारीमा छन ।

सूर्योत्थान लक्जरियस अपार्टमेन्ट, पोखरा होम्स प्रालि र जयभद्रकाली होटेलियर्स प्रालिमा पनि उनी निर्देशक छन् । शिक्षा तथा फिटनेस क्षेत्रतर्फ पोखराको काजीपोखरीस्थित कालिका मल्टिपल क्याम्पसको अध्यक्ष र पोखरा स्कुल अफ टुरिजम एन्ड हस्पिटालिटी म्यानेजमेन्टसँग पनि उनी जोडिएका छन् । जलविद्युत विकासको क्षेत्रमा किरण केसी र केसी ग्रुपको लगानी र नेतृत्व अग्रपंक्तिमा छ ।

सिक्लेस हाइड्रोपावर लिमिटेड (१३ मेगावाट) मा २०७२ देखि निर्देशक र २०८२ देखि अध्यक्षको रूपमा कार्यरत किरणले एम्पिक एनर्जी प्रालि (१३२ मेगावाट), अपर मर्स्याङ्दी हाइड्रोपावर कम्पनी प्रालि (१०२ मेगावाट) र सुभानकित हाइड्रोपावर प्रालि (८ मेगावाट) मा अहिले नेतृत्व गरिरहेका छन् । साना ठूला १० वटाभन्दा बढी जलविद्युत आयोजनाको नेतृत्व अहिले किरणले गरिरहेका छन् । व्यवसायिक क्षेत्रमा सफलता पाइरहेका केसिको राजनीतिक यात्रालाई कतिपयले महत्वका साथ हेरेका छन ।

खुला तर्फको केन्द्रीय सदस्यमा निर्वाचित एबम अन्य उम्मेदवारहरूले प्राप्त गरेको मत विवरण