काठमाडौं, सम्पति शुद्दिकरण मुद्धामा पक्राउ परेका नेकपा एमालेका नेता एबम पुर्व अर्थमन्त्री विष्णु पौडेललाई साधारण तारेखमा छाड्न बिशेष अदालतले आदेश दिएको छ । उनलाई गत असार ८ गते सुर्खेतमा पार्टी कामको शिलशिलामा गएको बखत सम्पति सुद्धिकरण विभागले पक्राउ गरि पटक पटक म्याद थप्न गर्दै हिरासतमा राखिएको छ ।

बिशेष अदालतमा भएको उनको बयानपछि अदालतका नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले पौडेललाई साधारण तारेखमा थुनामुक्त गर्न आदेश दिएको हो।

उनीहरुको इजलासले बिभिन्न तीनवटा आधार देखाउँदै पौडेललाई थुनामा राखेर वा धरौटी मागेर मुद्दा अघि बढाउन आवश्यक नरहेको निर्क्यौल निकालेको बुझिएको छ ।

अदालतले तत्काल प्राप्त प्रमाणबाट बिष्णु पौडेलको संलग्नता नखुलेको र उनीमाथि लागेको आरोपमाथि उनले इन्कारी बयान दिएको उल्लेख गरेको छ।

यसका साथै बिचौलियाको रुपमा चिनिएका ब्यबसायी दीपक भट्टसँग उनले वित्तिय कारोबार गरेको अनि सम्पत्ति वा लाभ प्राप्त गरेको नदेखिएको भन्दै विशेष अदालतले उनलाई सामान्य तारेखमा छाड्न आदेश दिएको हो ।