पोखरा, पोखराको गणेशटोलस्थित फेवा शिक्षा सदनका ५० जना विद्यार्थीहरु दिक्षित भएका छन् । विद्यालयले शनिबार दिक्षान्त समारोहको आयोजना गरेर कक्षा यूकेजीका विद्यार्थीलाई दिक्षित गरेको हो । विद्यालयका प्राचार्य अच्युत पाण्डे र इसिइसि पोखराका निर्देशक प्रदिप पराजुलीले उनीहरुलाई दिक्षित गरेका थिए  ।

विद्यालयका प्राचार्य अचुत पाण्डेले विद्यालयले न्युन शुल्कमा मन्टेश्वरीस्तरको पढाइ सञ्चालन गरेको जानकारी गराए । बाबुनानीहरुले मनोरञ्जतात्मक तरिकाले खेल्दै पढ्दै गर्दा पढाइ सँगसँगै अन्य कुराहरु पनि सिक्ने गरेको र बाबुनानीहरुको शारीरिक र मानसिक विकासमा सहयोग पुगेको उनको भनाइ थियो ।

इसिइसि पोखराका निर्दैशक पराजुलीले बाबुनानीहरुले पढ्ने र सिक्ने प्रकृयामा असर पर्ने भएकाले फेवा शिक्षा सदनमा बालमैत्री वातावरण रहेको उल्लेख गरे । विद्यालयका सहप्राचार्य प्रमोद पाण्डेले विद्यालयले विद्यार्थीहरुलाई संस्कार सहितको शिक्षा प्रदान गर्न प्रयास गरिरहेको बताए ।