पोखरा, राष्ट्रिय प्रजातन्त्र पार्टी (राप्रपा) बाट निर्बाचित समानुपातिक सांसद खुश्बु ओलीले संस्कृत भाषामा शपथ लिने भएकी छन्। सम्भवत संस्कृत भाषामा सपथ लिने उनि पहिलो बन्ने भन्दै उनको बारेमा सामाजिक संजालमा समेत चर्चा भैरहेको छ। संघीय संसद् सचिवालयले प्रतिनिधिसभाका नवनिर्वाचित सदस्य तथा सांसदहरुको शपथका लागि तय गरेको कार्यतालिका अनुसार राप्रपाको तर्फबाट समानुपातिक सांसद बनेकी ओलीले आफ्नो शपथको भाषा संस्कृत रोजेको बताइएको छ।

संघिय संसद् सचिवालयले नेपाली भाषाबाहेकका मातृभाषामा शपथ लिन चाहने सांसदहरूका लागि सोमबारसम्म नाम टिपाउने समय सीमा तोकेकोमा खुश्बु ओलीसहित विभिन्न दलका दुई दर्जन सांसदहरूले आफ्नो मातृभाषा वा रुचि अनुसारको भाषामा शपथ लिने गरी विवरण बुझाएका छन्। संसद सचिवालयले दिएको जानकारी अनुसार नवनिर्वाचित सांसदहरूलाई प्रतिनिधिसभाका ज्येष्ठ सदस्य एबम नेपाली काँग्रेसबाट समानुपातिक तर्फका सांसद अर्जुन नरसिंह केसीले पद तथा गोपनीयताको शपथ गराउने कार्यक्रम छ।

यस पटकको शपथ ग्रहणमा नेपाल भाषा (नेवारी), मैथिली, डोटेली, थारु, तामाङ र बान्तावा लगायतका भाषाहरूको उपस्थिति देखिएको छ। संसद सचिवालयका अनुसार मातृभाषामा शपथ लिन चाहने सांसदहरूले आफ्नै भाषामा शपथको बेहोरा अनुवाद गरी त्यसको कपी सचिवालयमा बुझाउनुपर्ने व्यवस्था गरिएको छ।

नेपाली भाषा बाहेक अन्य भाषामा सपथ लिनेहरुको नामावली :