काठमाडौँ,  राष्ट्रिय स्वतन्त्र पार्टी (रास्वपा) बाट धनुषा जिल्लामा प्रतिनिधि सभा उम्मेदवार बनेका किशोरी साह कमलको उम्म्देवारी निर्बाचन आयोगले खारेज गरिदिएको छ ।

बैंक तथा वित्तीय संस्थाको कालोसूचीमा रहेको प्रमाण पुगेपछि मतदानको दुई दिन अगाडी उनको उम्मेदवारी खारेज गरिएको निर्बाचन आयोगले जनाएको छ ।

निर्वाचन आयोगका कार्यवाहक प्रमुख रामप्रसाद भण्डारीका अनुसार धनुषा क्षेत्र नम्बर १ का उम्मेदवार साहको उम्मेदवारी खारेज गरिएको पुष्टि गरेका छन।

उक्त निर्बाचन क्षेत्रमा नेकपा एमालेबाट रामचन्द्र मण्डल, नेपाली कांग्रेसबाट राम पलटन साह र नेपाली कम्युनिस्ट पार्टी(नेकपा)बाट मातृका प्रसाद यादव उम्मेदवार रहेका छन्। बिहीबार निर्वाचन हुँदैछ।

रास्वपाबाट उमेदवार बनेका शाहको उमेदवारी खारेज भएसंगै उक्त क्षेत्रमा रास्वपाले कुन दलको कुन उमेदवारलाई समर्थन गर्ने भन्ने स्पष्ट भैसकेको छैन।

तर रास्वपाले संस्थागत निर्णय गरेर कुनै एक उमेदवारलाई समर्थन गर्ने अबस्था आएमा यस अगडी अनुमान गरेको भन्दा फरक नतिजा आउनसक्ने सम्भावना समेत रहेको देखिन्छ ।