पोखरा, पोखराका शिक्षासेवी एबम स्टेप बाई स्टेप बोर्डिंग स्कुलका सञ्चालक तथा हिसान गण्डकीका संस्थापक अध्यक्ष रमाकान्त बराललाई पुत्रशोक परेको छ । स्टेप बाई स्टेपका संस्थापक निर्देशक रमाकान्त बराल रसोहि बिधालयकी प्राचार्य निर्मला बरालका कान्छा सुपुत्र योगेश बरालको ३५ बर्षको उमेरमा हालै निधन भएको हो।

अध्ययनको लागि अमेरिका पुगेका योगेशको यहि जनवरीको पहिलो साता निधन भएपनि कसरी मृत्यु भएको भन्ने स्पष्ट हुन् सकेको छैन। उनको मृत्यु कार दुर्घटनामा भएको हुन सक्ने स्थानीय प्रहरीले जनाएको बराल परिवारको भनाई छ । उनि स्टेप बाई स्टेप बोर्डिंगको पढाइ सकेर अमेरिकामा अध्ययन गर्न गएपछि लामो समयदेखि त्यहि अमेरिकामा नै बस्दै आएका थिए।

( रमाकान्त बराल र निर्मला बरालको परिवारका सदस्यहरु )

कान्छा छोरा योगेशको निधनको खबर रमाकान्त दम्पतीले क्यानाडामा घुम्न गएको बेला थाहा पाएका थिए । उनीहरु गत मंसिरको २५ गते अमेरिका र क्यानाडाको भ्रमणका लागि नेपालबाट अमेरिका हुँदै क्यानाडा गएका थिए। जेठा छोरा भेट्न क्यानाडा गएको बखत कान्छा छोराको निधन भएको जानकारी पाएपछि पुन अमेरिका फर्किएका थिए ।

बराल दम्पतीले अमेरिकामा नै छोराको अन्त्येष्टि गरेको भएपनि अस्तु लिएर पोखराको रामघाटमा गत सोमबार हिन्दु परम्परा र संस्कार अनुरुप अस्तु बिसर्जन गरेको बुझिएको छ।

रमाकान्त र निर्मला दम्पतीका दुई छोरा र एक छोरी रहेकोमा योगेश कान्छा छोरा हुन जेठा छोरा मार्सल बराल इन्जिनियरिंगको अध्ययन सकेर क्यानाडामा बस्दै आएका छन भने छोरी रोश्ना बराल पनि अध्ययनको लागि अमेरिकामा रहेकी छन।