पोखरा, पोखराका युवा ब्यबसायी बिष्णुबहादुर थापा एबम अमेरिकाको मेरिल्याण्डमा बस्दै आएका नेपाली जनसम्पर्क समिति मेरिल्याण्डका  पुर्व अध्यक्ष नारायण बहादुर थापा ( नारायणकाजी) लाई मातृशोक परेको छ।

थापा द्वयकी आमा, धार्मिक एबम सामाजिक व्यक्तित्व मैयादेबी थापाको ८९ बर्षको उमेरमा बिहिबार अकस्मात निधन भएको हो । ‘आमाको स्वास्थ्य स्थिति सामान्य नै थियो, तर अचानक माघे संक्रान्तीको दिनमा निधन हुन पुग्यो’ कान्छा छोरा बिष्णु थापाले भने।

स्व थापाका दुई छोरा र चार छोरी रहेकोमा जेठा छोरा नारायण बहादुर थापा लामो समयदेखि अमेरिका बस्दै आएका छन। उनि नेपाली काँग्रेस सम्बद्ध नेपाली जनसम्पर्क समिति अमेरिकाको मेरिल्याण्ड च्याप्टरका पुर्व अध्यक्ष एबम एनआरएन आइसीसीका सल्लाहकार पनि हुन।

कान्छा छोरा बिष्णुबहादुर थापा पोखराका युवा ब्यबसायी तथा पोखराको न्युरोडमा संचालनमा रहेको नेहा कलेक्सनका संचालक हुन। उनि खेलकुद लगायत बिभिन्न क्षेत्रसंग सम्बन्धित बिभिन्न संघसंस्थामा संलग्न छन।

उनका चार छोरीहरु अन्जली केसी, उर्मिला पन्थी, शुभद्रा थापा, अप्सरा थापा रहेका छन ।

स्व. मैयादेबी थापाकी बुहारी तथा जेठा छोरा नारायण थापाकी धर्मपत्नी रबिना थापा गैर आवासीय नेपाली संघ एनआरएन अन्तराष्ट्रिय समन्वय समितिको पुर्ब अध्यक्ष एबम नेपाली जनसम्पर्क समिति अमेरिकाकी नेतृ समेत हुन ।