पोखरा, सशस्त्र प्रहरी बल नेपालको रजत जयन्तिको अवसरमा सशस्त्र प्रहरी बल नेपालको २४ नम्बर गण अर्थात सशस्त्र प्रहरी बल कालिका गण मालेपाटनद्वारा पोखराको मालेपाटनस्थित बाराही माबिमा लागु पदार्थको दुर्व्यसन तथा त्यसको असर बिषयमा निबन्ध प्रतियोगिताको आयोजना गरियो ।

सोमबार आयोजित निबन्ध प्रतियोगितामा प्रथम स्थान प्राप्त गर्ने कक्षा ९ की छात्रा पुजा बैजु र द्वितिय स्थान प्राप्त गर्ने मल्लिका परियारलाई मंगलवार आयोजित एक समारोहमा पुरस्कार वितरण गरिएको थियो ।

उक्त कार्यक्रममा बाराही माबिका बिधार्थीहरुको लागि भलिबल र फुटबल लगायतका बिभिन्न खेलकुद सामग्री समेत वितरण गरिएको सशस्त्र प्रहरी बल कालिका गणका गणपति एबम सशस्त्र प्रहरी उपरिक्षक सुर्यप्रसाद तिमिल्सिनाले गुरुकुल खबरलाई जानकारी दिए ।

सोहि समारोहमा सशस्त्र प्रहरी उपरिक्षक तिमिल्सिनाले बाराही माबिका प्रधानाध्यापक शिबप्रसाद भण्डारीलाई बिभिन्न खेलकुदका सामग्री र बिधालयमा आयोजित निबन्ध प्रतियोगिताका बिजयीहरुलाई पुरस्कार र बिधालयको लागि खेलकुद सामग्री हस्तान्तरण गरेका थिए।

त्यस अबसरमा बोल्दै प्रहरी उपरिक्षक एबम गणपति तिमिल्सिनाले सशस्त्र प्रहरी बलको संगठनले नेपालको शान्ति सुरक्षाको साथै अन्य दैबी बिपत्ति एबम मानबिय सहयोगको लागि  बिबिध क्षेत्रमा संगठनले पुर्‍याएको योगदानको बारेमा चर्चा गरेका थिए।

उनले बिद्यार्थीहरु भबिष्यका कर्णाधार भएको र उनीहरुमा सकारात्मक सोचको बिकास गर्न सकेमा जिम्मेवार नागरिक बन्न सक्ने बताउंदै जुनसुकै क्षेत्रमा सफलता पाउन पनि निरन्तरको अभ्यास आबश्यक हुने स्पष्ट पारे  बिद्यालय परिवार र सशस्त्र प्रहरी संगठन बीचको सम्बन्ध प्रगाढ हुनुपर्नेमा उनले जोड दिए।

बाराही माबिका प्रधानाध्याक भण्डारीले सशस्त्र प्रहरी बलले पुर्‍याएको योगदानको प्रशंशा गर्दै बिधार्थीहरुलाई पढाईको साथै अतिरिक्त क्रियाकलापमा गम्भीर भएर लाग्न आग्रह गरे ।