काठमाडौं, एनआईसी एशिया बैंक लिमिटेडमा सुजितकुमार शाक्यले नयाँ प्रमुख कार्यकारी अधिकृतको रुपमा बिहिबार औपचारिक पदभार ग्रहण गरेका छन बैंकको संचालक समितिको ७ सय ३६ औं बैठकले उनलाई प्रमुख कार्यकारी अधिकृतमा नियुक्ति गर्ने निर्णय गरेको थियो।
करिब तीन दशक लामो बैंकिङ अनुभव सँगालेका शाक्यले भारतको नयाँ दिल्लीस्थित दिल्ली विश्वविद्यालयबाट वाणिज्य विषयमा स्नातक र इन्स्टिच्युट अफ प्रोडक्टिभिटी एण्ड म्यानेजमेन्ट, लखनऊबाट व्यवस्थापनमा स्नातकोत्तर अध्ययन पूरा गरेका छन् । उनले सन् १९९६ मा तत्कालिन नेपाल श्रीलंका मर्चेन्ट बैंकबाट आंफ्नो बैंकिङ करियर सुरु गरेका थिए त्यसपछि उनले हिमालयन बैंक लिमिटेड, लक्ष्मी बैंक लिमिटेड र सन् २००७ देखि बैंक अफ एशिया नेपाल लिमिटेड मा बिजनेस बैंकिङ प्रमुख का रूपमा कार्य गरेका थिए ।
शाक्यले तत्कालिन बैंक अफ एशिया नेपाल लिमिटेड र एनआईसी बैंक लिमिटेडको मर्जर प्रक्रियामा महत्वपूर्ण भूमिका निर्वाह गरेका थिए। मर्जरपछि बनेको एनआईसी एशिया बैंक लिमिटेडमा सहायक महाप्रबन्धक तथा कर्पोरेट बैंकिङ प्रमुखको रूपमा उनले काम गरेका थिए थिए। शाक्यले सिभिल बैंक लिमिटेड, जनता बैंक लिमिटेड र ग्लोबल आइएमई बैंक लिमिटेडमा नायब प्रमुख कार्यकारी अधिकृतका रूपमा काम गरेका शाक्य पछिल्लो समय नबिल बैंक लिमिटेडमा वरिष्ठ नायब प्रमुख कार्यकारी अधिकृतका रूपमा कार्यरत थिए ।
एनआईसी एशिया बैंकले एक विज्ञप्ति जारी गर्दै शाक्यको दीर्घ अनुभव, विश्लेषण क्षमताको गहिराइ र रणनीतिक दृष्टिकोणले बैंकलाई थप सहज, सबल, गतिशील, विश्वसनीय र परिणाममुखी संस्थाको रूपमा अघि बढाउने विश्वास व्यक्त गरेको छ।
