पोखरा, नेपाली कांग्रेसको भातृ संस्था नेपाल तरुण दलको ७३ औं स्थापना दिवस (कार्तिक १० गते) अवसर पारेर नेपाल तरुण दल कास्की क्षेत्र न. २ ले बृद्धाश्रममा खाधान्न सामग्री सहयोग गरेको छ। पोखरा महानगरपालिका- १७ महतगौंडास्थित पोखरा बृद्धाश्रममा रहेका बृद्धबृद्धाहरुको लागि आबश्यक खाधान्न सामग्री हस्तान्तरण गरिएको थियो।
सोमबार आयोजित कार्यक्रममा नेपाल तरुण दलका पुर्व केन्द्रीय सदस्य एबम नेपाली काँग्रेसका महासमिति सदस्य ऋषिराम काफ्लेले पोखरा बृद्धाश्रम ब्यबस्थापन समितिका अध्यक्ष कुसुमकेशव पराजुलीलाई खाधान्न सामग्री हस्तान्तरण गरेका थिए ।
कार्यक्रममा पोखरामा रहेका नेपाल तरुणदलका केन्द्रिय सदस्यहरु, केन्द्रिय पार्षदहरु, जिल्ला सदस्यहरु, क्षेत्रिय समिति एबम तरुण दलका सदस्यहरुको सहभागिता रहेको दलको कास्की क्षेत्र न. २ का सभापति डीआर भट्टराईले गुरुकुल खबरलाई जानकारी दिए ।
