काठमाडौं, अन्तरिम सरकारको प्रधानमन्त्री सुशिला कार्कीको नेतृत्वमा रहेको मन्त्रिपरिषदमा चारजना मन्त्रीहरु आज आइतबार थपिने भएको छन नवनियुक्त चार मन्त्रीको शपथ दिउँसो २ बजेपछि गराउको लागि प्रधानमन्त्री कार्कीले चारजनाको नाम राष्ट्रपति कार्यालयमा पठाएको स्रोतले जानकारी दिएको छ ।
हालसम्म कार्की नेतृत्वको मन्त्रिपरिषदमा सातजना मात्र मन्त्री रहेकोमा अब डा. सुधा गौतमलाई स्वास्थ्य, गणपतिलाल श्रेष्ठलाई पर्यटन, खगेन्द्र सुनारलाई श्रम र बब्लु गुप्तालाई खेलकुद मन्त्री बनाएर मन्त्रिमण्डललाई ११ सदस्यीय बनाइने भएको छ ।
उनीहरुको नाम राष्ट्रपति कार्यालयमा सिफारिस गरिएको र आजै शपथको तयारी गरिएको स्रोतले जानकारी दियो । स्रोतले दिएको जानकारीअनुसार दिउँसो २ बजेपछि शपथको व्यवस्था मिलाउन प्रधानमन्त्री कार्यालयले अनुरोध गरेको छ । “२ बजेपछि भनिएको छ । तर कति बजे भनेर अहिलेसम्म समयको टुंगो लागिसकेको छैन,” प्रधानमन्त्री निकट स्रोतले भन्यो ।
