पोखरा, गुडिरहेको गाडीमा बसिरहेका एक युवकको रहस्यमय ढंगले मृत्यु भएको छ । पश्चिम नेपालको मुगुबाट नेपालगन्ज आउँदै गरेको गाडीमा यात्रा गरिरहेका २२ वर्षीय युवक मृत फेला परेका छन् ।

जुम्लाको हिमा गाउँपालिका–१, निवासी  २२ बर्षीय गणेश रावत गए राति गुडिरहेको गाडीमा मृत अबस्थामा भेटिएको जिल्ला प्रहरी कार्यालय जुम्लाका प्रहरी नायव उपरीक्षक रविनबाबु रेग्मीले जानकारी दिए । ‎रावत मुगुबाट सोही गाडीमा चढेर जुम्ला आउँदै गरेको अबस्थमा उक्त घटना भएको थियो।

‎‎प्रहरी नायव उपरीक्षक रेग्मीका अनुसार, रावत ०२००१ ख ११३८ नम्बरको एसएमएल गाडीमा सुतेका थिए । ‎जुम्ला आइपुगेपछि अन्य यात्रुले उठाउन खोज्दा नउठेपछि हेर्दा उनी मृत अवस्थामा रहेको खुलेको थियो।

‎‎गाडीमा सवार अन्य यात्रुहरूले सुतिरहेको बाहेक कुनै असामान्य गतिविधि नदेखेको बताएका छन्। ‎परिवारका सदस्यले गणेश रावतलाई खासै गम्भीर बिरामी नभएको तर कहिलेकाहीँ मदिरा सेवन गर्ने गरेको बताए । रावतको शव पोष्टमार्टमका लागि कर्णाली स्वास्थ्य विज्ञान प्रतिष्ठानमा राखिएको बताइएको छ।