हेमजा(पोखरा), कास्कीको पोखरा महानगरपालिका वडा न.२५ हेमजामा हेमजा यूनाइटेडको आयोजनामा जेष्ठ १० गते देखि जारी अन्तर वडा स्तरीय फुटबल प्रतियोगिताको क्वाटर फाइनलका खेलहरु बुधबार सम्पन्न भएका छन।

वुधवार भएको वडा न.१३ र १५ विचको अन्तिम क्वाटर फाइनलको खेलमा र्निघारित समयमा दुवै टिमले नतिजा निकाल्न नसक्दा खेल ट्राइवेकरमा परिणत भयो । जस्मा वडा न. १५ ले वडा न.१३ लाई ३–२ को गोल अन्तरले पछि पार्दै सेमिफाइनल प्रवेश गरेको हो । जितका लागि वडा न १५ का जर्सी न.१० का अशोक लामा, जर्सी न.८ का रोसन सुनवार र जर्सी न.११ का प्रदिप श्रेष्ठले १÷१ गोल गरेका थिए । वडा न. १५ का जर्सी न.१ का बलराम खत्री उक्त खेलको म्यान अफ दि म्याच घोषित भए ।

विहिवार सेमिफाइनलको पहिलो खेल आयोजक वडा न.२५(निलो) र वडा न.१ विच हुनेछ । दोस्रो सेमिफाइनल खेल वडा न.१५ र वडा न. ५ विच विहान ठिक १०ः०० बजे हुने खेल संयोजक इन्द्र बहादुर कुँवरले जानकारी दिए ।

युनाइटेडका अध्यक्ष कृष्णमान श्रेष्ठका अनुसार उक्त प्रतियोगिताको विजेताले नगद रु १ लाख ११ हजार १११ र उप–विजेताले नगद रु ५५ हजार ५५५ साथमा ट्रफी, मेडल र प्रमाणपत्र प्राप्त गर्ने छन् । उत्कृष्ट विधागत पुरस्कार तर्फ सर्वाधिक गोलकता, उत्कृष्ट गोलरक्षक,उत्कृष्ट डिफेन्डर,उत्कृष्ट मिडफिल्डर र उत्कृष्ट फरवार्डलाई प्रत्येक विधामा नगद रु २ हजार साथमा ट्रफि साथै प्रतियोगिता अवधिभरको उत्कृष्ट खेलाडीलाई नगद रु ५ हजार साथमा ट्रफी प्रदान गरिने जानकारी दिए ।

जेष्ठ १७ गते सम्म चल्ने उक्त प्रतियोगितामा ३५ वर्ष भन्दा माथि उमेर समूहको सहभागिता रहेको छ । पोखरा महानगरपालिका तथा वडा न- २५ को संरक्षणमा प्रतियोगिता आयोजना गरिएको हो ।