साथै गृहमन्त्री रमेश लेखकसम्बन्धी विषयमा पनि छलफल केन्द्रित हुने बताइएको छ। आजको बैठकले गृहमन्त्री लेखकबारे आधिकारिक धारणा बनाउने बताइएको छ।

त्रिभुवन अन्तर्राष्ट्रिय विमानस्थलमा भिजिट भिसा दुरुपयोग गरी दैनिक घुस लिने गरेको आरोप गृहमन्त्री लेखकमाथि लागेको छ। उनलाई राजीनामा दिएर छानबिनमा सहयोग गर्नुपर्ने माग उठिरहेको छ। कांग्रेसका केही नेताहरूले पनि लेखकले नैतिकताको आधारमा राजीनामा दिनुपर्ने धारणा सार्वजनिक गरेका छन्।

यता गृहमन्त्री लेखकले भने आफूले कहिल्यै आर्थिक अनियमितता नगरेको र प्रमाणित भए राजनीतिबाटै राजीनामा दिने स्पष्ट पारेका छन्। साथै जेठ १३ गते बस्ने प्रतिनिधि सभाको बैठकमा आफूले उक्त घटनाक्रमबारे जानकारी गराउनका लागि समय लिइसकेको जानकारी पनि दिएका छन्।