काठमाडौं, सवारी साधन चलाउन दिईने सवारी लाइसेन्सको अवधि अहिले सम्म पांच बर्ष रहेकोमा अब भने लाइसेन्सको अवधि १० वर्ष हुने भएको छ ।

सवारी लाइसेन्सको अवधि १० वर्ष हुने गरी प्रतिनिधि सभाले केही नेपाल ऐन संशोधन विधेयक पारित गरेको छ । सवारी तथा यातायात व्यवस्था ऐन २०४९ मा लाइसेन्सको अवधि पाँच वर्ष रहेकोमा यसलाई बदलेर केही नेपाल ऐन संशोधन विधेयक मार्फत १० वर्ष बनाइएको हो ।

यो प्रस्तावसहितको विधेयक प्रतिनिधि सभाबाट पारित भएको छ । पारित विधेयक अनुसार अब सवारी लाइसेन्सको नविकरण गर्दा पनि दश वर्षका लागि नविकरण हुनेछ।