पोखरा, चिकित्सा शास्त्र अध्ययन संस्थान पोखरा क्याम्पस अर्थात पोखराको नर्सिङ क्याम्पसमा सम्पन्न स्वतन्त्र विद्यार्थी युनियन निर्वाचनमा नेकपा एमाले निकट अनेरास्ववियुको प्यानल नै विजयी भएपनि समानुपातिक तर्फबाट नेविसंघका दुईजनाले प्रतिनिधित्व गर्ने भएका छन ।
बिजयी भएका दुईजनालाई कुन कुन पद दिने निश्चित नभएपनि नेविसंघको तर्फबाट नम्रता चापागाईं र ममता शर्माले स्वतन्त्र बिद्यार्थी युनियनमा प्रतिनिधित्व गर्ने भएको बुझिएको छ दुवै जना नेविसंघको क्याम्पस इकाई समितिको जिम्मेवारीमा रहेका छन।
मंगलवार साँझ सम्पन्न प्रत्यक्ष तर्फको मतगणना अनुसार नर्सिङ क्याम्पसमा अनेरास्ववियुकी प्रतिभा भण्डारी अध्यक्षमा निर्वाचित भएकी छन। भने सचिवमा अखिलकै सलिना श्रेष्ठ र कोषाध्यक्षमा कुसुम गौतम निर्वाचित भएका छन् भने अन्य पदमा पनि अनेरास्ववियुकै उमेद्वार बिजयी भएका छन।
नेबिसंघबाट स्वतन्त्र बिद्यार्थी युनियनमा प्रतिनिधित्व गर्ने नम्रता चापागाईंको घर चितवन भएपनि उनि पोखराको लामाचौरमा आफ्ना परिवारसंग बस्दै आएकी छन्। हाल सोहि क्याम्पसमा बीएनएस तेश्रो बर्षमा अध्ययनरत उनि नेविसंघको नर्सिङ क्याम्पस इकाईको सभापति समेत हुन ।
यसैगरी पर्बत घर भएकी ममता शर्मा उक्त क्याम्पसमा बीएनएस तेश्रो बर्षमा अध्ययनरत छिन शर्मा नेविसंघको नर्सिङ क्याम्पस इकाईको उपसभापति हुन।
सम्बन्धित समाचार ..
पोखराको नर्सिङ क्याम्पस र बनबिज्ञान क्याम्पसमा अनेरास्ववियुको प्यानल बिजयी
