पोखरा, मुस्तांग, मार्फाबाट पोखरामा आएर बसोबास गरेका थकालीहरुको पुरानो संस्था मार्फा थकाली समाज सेवा सदन, पोखराको ५३ औं वार्षिकोत्सव तथा १८औं महाधिवेशन सम्पन्न भएको छ। महाधिबेशनले समाजको अध्यक्षमा पहिलो पटक देवकुमारी हिराचनलाई अध्यक्षमा निर्बाचित गरेको छ।

समाजको ५३ वर्ष लामो इतिहासमा पहिलोपटक महिलाले नेतृत्व गर्ने अवसर प्राप्त गरेको भन्दै कतिपयले खुशी प्रकट गरेका छन देवकुमारी हिराचन पोखरामा रहेर बिभिन्न सामाजिक संघसंस्थामा समेत सक्रिय रहँदै आएकी छन।

समाजको उपाध्यक्षमा पूर्णमान लालचन, महासचिवमा मखनलाल हिराचन, सचिवमा राजु लालचन, कोषाध्यक्षमा ई. पूर्ण बहादुर ज्वारचन चयन भएका छन्। समाजको सदस्यहरुमा प्रदिप हिराचन, निरण ज्वारचन, पूर्ण ज्वारचन, वसन्त हिराचन, सञ्जु लालचन, बुद्धी कुमारी लालचन, प्रिमो लालचन र सुन कुमारी हिराचन चयन भएको समाजले जनाएको छ।

अधिबेशनकै क्रममा मार्फा थकाली समाजको महिला समितिको पनि नयाँ कार्यसमिति चयन भएको छ। महिला समितिको अध्यक्षमा विष्णु ज्वारचन माईली, उपाध्यक्षमा आइत कुमारी लालचन, सचिवमा पुनम हिराचन, कोषाध्यक्षमा रामकुमारी ज्वारचन चयन भएका छन्। महिला समितिको सदस्य पदमा सीता लालचन, सतकुमारी पन्नाचन, विष्णु ज्वारचन, विनु लालचन, रचना लालचन, सविता पन्नाचन तथा विष्णु हिराचन लाई राखिएको बताइएको छ।

तस्बिर – शुदर्शन रंजित