पोखरा, नेपालीहरुको दोश्रो ठुलो चाड तिहारको अबसरमा सुनको मूल्य बढेर हालसम्मकै महँगो भएको छ । लगातार उकालो लागेको सुनको मूल्य बढेर १ लाख ७० हजार माथि पुगेको छ । बुधबार प्रतितोला रु दुई हजार दुई सयले वृद्दि भई रु एक लाख ७० हजार सात सयमा कारोबार भएको छापावाला सुन बिहिबार तिन सय रुपैयाले बढेर रु एक लाख ७१ हजार कायम भएको छ ।

नेपाल सुनचाँदी व्यवसायी महासङ्घका अनुसार नेपालीको दोस्रो ठूलो पर्व तिहारको अवसरमा सुनको मूल्यमा उच्च वृद्धि भई कीर्तिमान कायम गरेको छ । यस्तै चाँदीको मूल्य तोलामा रु ३० ले घटेको छ । बुधबार प्रतितोला रु दुई हजार एक सय २० मा कारोबार भएको चाँदी आजका लागि रु दुई हजार ९० निर्धारण भएको छ ।