पोखरा । केहि दिनदेखि परेको बर्षाका कारण ठाउँ ठाउँमा बाढी र पहिरोबाट क्षति भएका घटनाहरु सार्बजनिक भैरहेका छन यसक्रममा बागलुङमा पहिरोले घर पुरिँदा  गए राति एक जनाको मृत्यु भएको छ । बागलुङ नगरपालिका–७ तितौरेमा राती घर माथिबाट पहिरो खसेको र सोहि पहिरोमा पुरिएर ५५ वर्षीय खिलकुमारी शर्माको मृत्यु भएको हो ।

उनी घरमा एक्लै बस्ने गरेको कारण घटनाको बारेमा अरुले तत्काल जानकारी समेत पाउन नसकेको बुझिएको छ ।

प्रहरीलाई  बिहिबार बिहान मात्रै खबर पुगेपछि उद्वारको लागि र घटनास्थल जाँदै गरेको बागलुङ प्रहरीले जनाएको छ।

यसैगरी चितवनको इच्छाकामना गाउँपालिका–३ मौवाखोलामा बिहिबार बिहान पहिरोे खस्दा पृथ्वीराजमार्ग अवरुद्ध बनेको छ । अबरुद्द राजमार्ग सडक डिभिजन कार्यालयको ‘स्काभेटर’को प्रयोग गरेर खुलाउने प्रयास भैरहेको इलाका प्रहरी कार्यालय मुग्लिनले जनाएको छ।

पहिरो पन्छाइरहेका ठाउँमा पानी परिरहेको र लेदो खसिरहेकाले सडक खुलाउन हुन केही समय लाग्ने भएको कारण  ।  गन्तव्यमा हिँडेका सवारी साधन राजमार्गमा नै रोकिएका छन।

सडक विस्तारको क्रममा रहेको पृथ्वी राजमार्गमा बर्खा सुरु भएसँगै पटक–पटक पहिरो खसेर सडक अवरुद्ध हुने क्रम जारी छ ।