Play

स्विटजरल्याण्डस्थित नेपाली राजदूतावासद्वारा आयोजित स्वागत समारोहमा राष्ट्रपति पौडेल सहभागी

गुरुकुल खबर


जेनेभा । राष्ट्रपति रामचन्द्र पौडेल स्विटजरल्याण्डस्थित नेपाली राजदूतावासद्वारा शुक्रबार राष्ट्रपति पौडेलको सम्मानमा आयोजित स्वागत समारोहमा सहभागी बने । त्यस अवसरमा राष्ट्रपति पाैडेललाई नेपालका लागि स्विटजरल्याण्डका राजदूत रामप्रसाद सुवेदी तथा त्यहाँस्थित नेपालीहरूले स्वागत गरेका थिए ।

त्यस अबसरमा राजदूत सुवेदीले स्विस नेपालकाे सम्बन्ध, विकास र सहयाेगका विविध पक्षबारे जानकारी गराएका थिए । साथै स्विटजरल्याण्डमा रहेका नेपालीहरुको अबस्थाबारेमा जानकारी गराएको राष्ट्रपतिको स्वकीय सचिबालयले जनाएको छ।

समारोहमा राजदूत सुवेदीले २५ वर्षपछि पहिलो पटक नेपालका राष्ट्रपतिसंग स्वीट्जरल्याण्जका राष्ट्रपतिबाट भएको भेटले दुवै देशको सम्बन्ध अझ सुदृढ़ गराएको बताउँदै आईएलओको कार्यक्रममा राष्ट्रपति पौडेलको सम्बोधनले नेपालको अन्तराष्ट्रिय पहिचानलाई स्थापित गराएको उल्लेख गरे ।

राष्ट्रपति पाैडेलले अन्तर्राष्ट्रिय श्रम संगठनकाे जेनेभामा भएको ११२ औं अन्तर्राष्ट्रिय श्रम सम्मेलनकाे उच्चस्तरीय सत्रमा आयाेजना गरिएको सामाजिक न्यायका लागि विश्वव्यापी गठबन्धनको उदघाटन सत्रलाई बिहिवार मूख्य वक्ताका रूपमा सम्बाेधन गरेका थिए । उहाँ मित्र राष्ट्र जर्मनीको भ्रमणका लागि शनिबार त्यस तर्फ जाने कार्यक्रम रहेको राष्ट्रपतिको स्वकीय सचिवालयले जनाएको छ ।

२ असार २०८१, शनिबार ११:१६ मा प्रकाशित
Nabintech