पोखरा, पोखराको लेकसाइड स्थित फुटट्रायकमा फोटोग्राफी गरे बापत विभिन्न किसिमबाट धम्काई पैसा असुल गरेको आरोपमा पक्राउ परेका चार जनालाई कास्की जिल्ला अदालतले पुर्पक्षका लागि थुनामा पठाएको छ ।

ताल किनारमा फोटोग्राफी व्यवसायी दर्ता नगरी ठगी गरेको भन्ने जाहेरीको आधारमा जिल्ला प्रहरी कार्यालय कास्की र वडा प्रहरी कार्यालय बैदामबाट खटिएको प्रहरी टोलीले पोखरा महानगरपालिका वडा नं. ६ लेकसाईड बैदाम बस्ने वर्ष ४१ का विकास पहारी, जिल्ला कास्की पोखरा महानगरपालिका वडा नं. ६ लेकसाईड बस्ने वर्ष २२ के प्रवीन विश्वकर्मा, जिल्ला कास्की पोखरा महानगरपालिका वडा नं. ०६ लेकसाईड बस्ने वर्ष २४ का अभिषेक परियार तथा अप्पे भन्ने अभिषेक बराल र वडा नं. ६ खहरे बस्ने वडा सदस्य वर्ष ४२ का दिपेन्द्र पहारीलाई थुनामा पठाउने आदेश भएको हो ।

उनीहरुलाई पक्राउ गरी ठगी, आपराधिक विश्वासघात तथा आपराधिक लाभ (एक्सटर्सन) सम्बन्धी मुद्दामा अनुसन्धान गरी अदालतमा मुद्दा पेश उनीहरु पुर्पक्षको लागि कारागार चलान भएको जिल्ला प्रहरी कार्यालय कास्कीले जनाएको छ ।