पोखरा, पोखरा महानगरपालिका वडा नं.१७ बिरौटा गोधुली संसार पथमा ५२ वर्षीय आफ्नै पिता रामु क्षत्रीलाई मंगलबार खुर्पा प्रहरी गरी फरार छोरा २२ वर्षीय रविनलाई प्रहरीले पक्राउ गरेको छ ।

वडा प्रहरी कार्यालय बैदामबाट प्रहरी टोली खटिई गई घाईतेलाई उपचारको लागि चरक मेमोरीयल अस्पतालमा पठाइएकोमा, उनलाई अपरान्ह डाक्टरद्वारा मृत्यु घोषणा गरेको प्रहीको भनाई छ ।

खुर्पा प्रहार गर्ने छोरा फरार रहेकोमा जिल्ला प्रहरी कार्यालय कास्की, मातहततथा अन्यत्र जिल्लामा समेतबाट हुलिया, फोटो सहितको खोजतलासको लागि प्रहरी परिचालन गरिएको थियो ।

यसै क्रममा जिल्ला प्रहरी कार्यालय कास्कीको संयोजनमा जिल्ला प्रहरी कार्यालय पाल्पाले जिल्ला पाल्पा स्थित प्रभासमा ग २० प ६०४७ नम्बरको मो.सा. सहित नियन्त्रणमा लिई कास्कीमा ल्याई कर्तव्य ज्यान सम्बन्धी मुद्दामा अनुसन्धान प्रक्रिया अगाडी बढाइएको जनाइएको छ ।