पोखरा , पोखरा महानगरपालिका-२३ चापाकोट औसेलुचौर निवासी शिक्षासेवी विष्णु बहादुर चापागाईंको गत बिहिवार निधन भएको छ ।
६३ वर्षिय चापागाईले लामो समय स्थानीय पंचकोशी निमावि लगायतका शिक्षण संस्थामा अध्यापन गरेर सेवा निवृत्त भएका थिए ।
मिलनसार स्वभाव र अरुलाई अप्ठेरो पार्न नचाहने स्वभाव चापागाईको थियो । बेलुका घरमा सुतेको समयमा सामान्य अवस्थामा नै उनको निधन भएको स्थानीय माधव चापागाईले जानकारी दिए ।
नेपाली कांग्रेसका क्रियाशील सदस्य समेत रहेका चापागाईकी श्रीमती सहित राजु , सेतु र डम्बर चापागाई गरि तिन छोराहरु छन । उनको अन्त्येष्टि पोखरा -२३ स्थित ककहरे दह ( फाँट) मा गरिएको थियो ।
उनको अन्त्येष्टिमा स्थानीय सर्वसाधारणहरु सहित नेपाली कांग्रेसका नेताहरु गंगाधर पराजुली, हरि प्रसाद लामिछाने, वडाध्यक्ष रामकाजी गुरुडं सहित कांग्रेस र अन्य दलका कार्यकर्ता र शुभचिन्तक हरु सहभागी थिए ।
