पोखरा । नेकपा एमालेका महासचिव शंकर पोखरेलले नेपाली काँग्रेस अस्थिरताको बाहक रहेको आरोप लगाएका छन् ।
नेकपा एमाले जिल्ला कमिटी कास्कीले आयोजना गरेको शुभकामना आदानप्रदान कार्यक्रममा बोल्दै महासचिव पोखरेलले काँग्रेसले जहिले पनि सम्झौता गर्दै अस्थिरता सिर्जना गर्ने आरोप लगाएका हुन् ।
२००७ सालदेखि नै कांग्रेस अस्थिरताको बाहक बन्यो, राणासंग सम्झौता गर्यो । प्रजातन्त्रको पुर्नस्थापना पछि पनि काँग्रेसले सम्भौता गर्यो, पटक पटक सम्झौता गर्दै आएको छ जसले गर्र्दा उसले आफ्नो सामथ्र्य नै गुमाएको छ ।’ पोखरेलले आरोप लगाए । कांग्रेसलाई एमालेले आफ्नो हाराहारीको मित्रशक्तिको रुपमा लिएपनि काँग्रेसले कहिल्यै यो कुरालाई बुझ्न नसकेको उनको दावी थियो ।
कार्यक्रममा बोल्दै महासचिव पोखरेलले नेकपा एकीकृत समाजवादीका अध्यक्ष माधव कुमार नेपाल र नेता झलनाथ खनाललाई शक्तिशाली पार्टी र मुलुकको नेतृत्व गर्न छाडेर कांग्रेससंग १७ सिटका लागि भिख मागिरहेको आरोप समेत लगाए ।
‘माधव नेपाल र झलनाथ खनाल मुलुकको सबैभन्दा ठूलो दल एमालेको र मुलुकको नै नेतृत्व गर्ने ठाउँ छाडेर कांग्रेसका शेरबहादुर देउवासंग् १७ सिट भिख मागिरहनु भएको छ । कांग्रेस त्यसमाथि शेरबहादुर देउवालाई मत माग्दै, १७ सिटको भिख मागेर समाजवाद आउँदैन’ पोखरेलले भने ।
कार्यक्रममा नेकपा एमाले स्थायी कमिटी सदस्य खगराज अधिकारी, जिल्ला अध्यक्ष मनबहादुर गुरुङ लगायतले शुभकामना मन्तव्य दिएका थिए ।
कार्यक्रममा कास्कीका एमाले नेता तथा कार्यकर्ताहरुको बाक्लो उपस्थिति रहेको थियो ।
