Play

कास्कीको प्रहरी प्रमुखमा प्रहरी उपरिक्षक केसीको पदबहाली

गुरुकुल खबर


पोखरा ,जिल्ला प्रहरी कार्यालय कास्कीको प्रमुखमा प्रहरी उपरिक्षक अजय केसीले जिम्मेवारी सम्हालेका छन । कास्कीको प्रहरी प्रमुख रहेका प्रहरी उपरिक्षक रमेश थापा केही साता अगाडी अमेरिका गएपछि प्रमुख पद रिक्त रहेको थियो ।

रिक्त पदमा प्रहरी उपरिक्षक अजय केसी लाई प्रहरी प्रधान कार्यालयले यही साउन १२ गते सरुवा गरेको भएपनि उनि साउन १६ गते मात्र कार्यालयमा हाजिर भएका हुन ।

यस बिचमा कास्कीको निमित्त प्रहरी प्रमुखको काम प्रहरी नायव उपरिक्षक सुन्दर तिवारीले गर्दै आएका थिए । नव आगन्तुक प्रहरी प्रमुख केसीलाई सोमवार नै जिल्ला प्रहरी कार्यालय कास्कीमा संक्षिप्त स्वागत कार्यक्रमको आयोजना गरिएको थियो ।

त्यस अवसरमा प्रहरी नायव उपरिक्षक तिवारी सहित अन्य प्रहरी अधिकृतहरुले कास्की जिल्लाको अवस्थाका बारेमा नवआगन्तुक प्रहरी प्रमुखलाई जानकारी गराएका थिए ।

कास्कीका नव आगन्तुक प्रहरी प्रमुख केसीले प्रहरी कर्मचारीलाई निर्देशन दिंदै जिल्लाको शान्ति सुरक्षा क़ायम गर्ने , प्राकृतिक विपत्तीमा परेकालाई छिटो उद्वार गर्ने र सामाजिक अपराध न्युनिकरण गर्न सबै सरोकारवाला हरुसंग समन्वय गरेर काम गर्नुपर्ने खांचो औंल्याए ।

प्रहरी उपरिक्षक केसी यस अगाडी अख़्तियार दुरुपयोग अनुसन्धान आयोगमा कार्यरत रहेको थिए ।

१६ श्रावण २०७९, सोमबार २२:५४ मा प्रकाशित
Nabintech
  • सुचना विभाग दर्ता न. : ३११६-२०७८/७९
  • गोल्डेन मिडिया ग्रुप प्रा.लि. द्वारा संचालित
  • कार्यालय : पोखरा -०५, गण्डकी प्रदेश, कास्की
  • सम्पर्क नं. : 061-531533 / 9856022332
  • इमेल : [email protected]
Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सम्पादक :
रिता गुरूङ
सह सम्पादक :
शिराेमणी बराल
प्रतिनिधि :
अर्जुन ओझा