पोखरा , जिल्ला प्रहरी कार्यालय कास्कीको परिसरमा प्रहरी पुस्तकालय र क्याफे संचालनमा ल्याईएको छ । यसरी प्रहरी कार्यालय परिसरमा क्याफे र पुस्तकालय संचालन गर्ने कार्य प्रहरी संगठन भीत्र नया अभ्यासको रुपमा लिईएको छ ।
प्रहरी सुरक्षाकर्मीलाई फुर्सदको समयमा अध्ययन गरि थप दक्ष बनाउन पुस्तकालय सहयोगी हुने विश्वास प्रहरी अधिकारीहरुको छ।
असार १३ गते आयोजित विशेष कार्यक्रममा कास्कीका प्रमुख जिल्ला अधिकारी जयनारायण आचार्यले पुस्तकालय र क्याफेको उद्घाटन गर्नुभएको हो ।
त्यस अवसरमा बोल्दै प्रजिअ आचार्यले नव निर्मित पुस्तकालय र क्याफेका कारण प्रहरी कार्यालय भीत्र प्रवेश गर्नेहरुलाई ज्ञान प्राप्त हुने बातावरण सृजना भएको भन्दै यसको संचालन र व्यवस्थापन प्रभावकारी बन्नुपर्नेमा जोड दिनुभयो ।
कार्यक्रममा प्रहरी वरिष्ठ उपरिक्षक एवं गण्डकी प्रदेश प्रहरी कार्यालयी निमित्त प्रमुख कृष्णहरी शर्माले प्रहरीलाई थप दक्ष बनाउन पुस्तकालय सहयोगी बन्ने विश्वास व्यक्त गर्नुभयो ।
कार्यक्रममा कास्कीका प्रहरी प्रमुख तथा प्रहरी उपरिक्षक रमेश थापाले केही कुरा सिक्ने चाहाना भएकाहरुको सिकाईमा सहयोग गर्न आफुले क्याफे र पुस्तकालय निर्माणका लागि नया पहल गरेको जानकारी दिनुभयो ।
यसै बिच एक अर्कों समाचार अनुसार जिल्ला ट्राफ़िक प्रहरी कार्यालय र मातहतमा कार्यरत प्रहरी कर्मचारीहरुको लागि सोमवार स्वास्थ्य जाँच गरिएको छ । लेखनाथ सिटी हस्पिटल र हिमालय आंखा अस्पताल पोखराको सहयोगमा कास्की जिल्लामा कार्यरत ट्राफ़िक प्रहरीको स्वास्थ्य जाँच गरिएको बताइएको छ । प्रहरीहरुको ब्लड प्रेसर , सुगर , र आंखाको स्वास्थ्य जाँच गरि आवश्यक परामर्श समेत दिईएको थियो ।
कास्कीका ट्राफ़िक प्रहरी प्रमुख तथा प्रहरी निरिक्षक प्रकाश शाहले गुरुकुल खवरलाई दिएको जानकारी अनुसार अन्य प्रहरीहरु भन्दा ट्राफिक प्रहरीहरु बाह्य प्रदुषणमा खटिनुपर्ने तथा धेरैको सम्पर्कमा रहेर काम गर्नुपर्ने भएकोले स्वास्थ्य जाँच गरिएको बताउनुभयो ।
प्रतिक्रिया लेख्नुहोस्:-