Play

ल्याण्डफिल्ड साइटको व्यवस्थापन गर्ने मेयर र उपमेयरका उम्मेदवारको प्रतिबद्धता

गुरुकुल खबर


पोखरा, २७ वैशाख । गठबन्धन दलका मेयरका साझा उम्मेदवार धनराज आचार्यले ल्याण्डफिल्ड साइटको व्यवस्थापन गर्ने प्रतिबद्धता व्यक्त गरेका छन् । उम्मेदवार आचार्यले व्यवस्थापनमा पटक पटक भईरहको विवाद बारे बोल्दै ल्याडफिल्ड साइडको समस्या तत्काल समाधान गर्ने समेत बताए । अन्तराष्टिय विमानस्थल शिघ्र संचालनकालागि आवश्यक पहल गर्ने प्रतिवद्धता पनि जाहेर गरेका छन् ।

पोखरा महानगर वडा नं १४ मा गठबन्धन दलद्धारा आयोजित चुनावी सभामा बोल्दै उम्मेदवार आचार्यले कृषि, सिंचाई र सडक निर्माण गरी वडा नं १४ लाई नमुना वडाको रुपमा विकास गर्ने बताएका हुन् । आचार्यले विजयपुर र भरतपोखरीबाट बाटो निर्माण गरी वडा नं २७ र वडा नं ३३को केन्द्रविन्दु वडा नं १४ लाई बनाउने प्रतिबद्धता समेत जनाए ।

उपमेयरका उम्मेदवार कोपिला रानाभाटले वडाको विकास र सुशासन वडाबासीको मुख्य सपना हुने बताउँदै त्यो सपना पुरा गर्नु आफ्नो पहिलो दायित्व हुने प्रतिबद्धता जनाईन् । वडा नं १४ मा भएको भएको सार्वजनिक जग्गालाई पार्क निर्माण गरी पर्यटकीय हवको रुपमा विकास गराउन सकिने बताउँदै त्यसका लागि आफुले जीत पछि पहल गर्ने बताईन् ।

वर्षातको समयमा हुने डुवानको विषयमा बोल्दै उम्मेदवार रानाभाटले महिला तथा बालबालिकाको सवालमा आफु गम्भीर रहेको बताउँदै महानगरलाई महिलामैत्री बनाउने प्रतिबद्धता व्यक्त गरिन् ।

नेपाली काँग्रेस कास्कीका सभापति किशोरदत्त बरालले सुशासन र महानगरको विकासका लागि गठबन्धन दलमा मात्र उत्कृष्ठ उम्मेदवार भएको दावी गर्दै अमुल्य मतकालागि सबैसंग आग्रह गरे । पोखरा महानगरमा उ्रत्कृष्ठ नेतृत्व छान्ने जिम्मा मतदातालाई भएको स्पष्ट पार्दै महानगर र वडाहरुमा गठबन्धन दललाई नै भोट दिन अनुरोध गरे ।

कार्यक्रममा पुर्वमन्त्री एवम काँग्रेस नेता यज्ञबहादुर थापा, माओवादी केन्द्र नेता दिपक कोइराला, नेकपा एसका पोलिट्व्युरो सदस्य श्रीनाथ बराल, खानेपानी आयोगका पुर्व केन्द्रीय अध्यक्ष खड्गबहादुर विश्वकर्मा, नेपाल तरुण दल कास्की वडा नं १४ का सभापति शैलेस बानियां लगायतले विकास र सुशासनकालागि गठबन्धन दललाई भोट दिन आग्रह गरेका थिए । नेपाली काँग्रेस वडा नं १४  का इकाई सभापति दिवस कुँवरको अध्यक्षतामा सम्पन्न कार्यक्रमको संचालन नेकपा एस वडा नं१४ का अ्रध्यक्ष एलबी घोतानेले गरेका थिए ।

यसैबीच मेयर पदका उम्मेदवार धनराज आचार्यले पोखरा महानगर वडा नं १३ को चुनावी सभामा बोल्दै पोखरालाई सुविधा सम्पन्न र आधुनिक सहर बनाउने बताएका छन् । पोखरा उनले भने, ‘पोखरा महानगरलाई अहिलेसम्मका नेतृत्व बिग्रर्नसम्म बिगारे । अब हामी थप बिग्रन दिँदैनौं ।’

महानगरसँग कस्ता घर बनाउने, कस्तो सडक चाहिने, जग्गाको उपयोग कसरी गर्ने भन्ने मापदण्ड नरहेको दाबी गर्दै उनले नेतृत्वले दूरदृष्टि पु¥याउन नसक्दा महानगर कुरुप भएको दाबी गरे । यहाँका ६० प्रतिशत भन्दा बढीले सम्पन्नता प्रमाणपत्र नलिएको उल्लेख गर्दै त्यसबाट गुमेको ठूलो राजस्व लिने वातावरण बनाइने उल्लेख गरे ।

गठबन्धनकी उपमेयर उम्मेदवार कोपिला रानाभाटले नेतृत्वमा सहर बनाउने दृष्टिकोण नहुँदा पोखरा कुरुप बन्दै गएको बताइन् । उनले पोखरा १३ को आर्वाको महाप्रभुधामलाई धार्मिक तथा पर्यटकीय स्थलको रुपमा गर्ने सुनाइन् । विजयपुर खोला र घट्टे खोलामा तटबन्ध गरी कृषि उत्पादन बढाउने, कमलपोखरी ताललाई थप व्यवस्थापन गर्न आवश्यक पूर्वाधार बनाउने उनले आश्वासन दिइन् ।

पोखरा महानगरका तालहरुको संरक्षण, भूउपयोगको नीति, सेती नदी संरक्षण, सडक स्तरोन्नति, खुला बिजुली तार व्यवस्थापन, ट्राफिक व्यवस्थापन, एकै ठाँउबाट सबै सेवा दिएर महानगरको मुहार फेर्ने गठबन्धनको प्रतिवद्धता छ ।

 

२७ बैशाख २०७९, मंगलवार २०:४० मा प्रकाशित
Nabintech