काठमाडौं । मंसिर ४ मा सम्पन्न प्रदेश र प्रतिनिधिसभा निर्वाचनअन्तर्गत प्रतिनिधिसभातर्फको समानुपातिकर्फ १ करोड ४ लाख ७८ हजार हाराहारीको मतगणना सकिएको छ । बाँकी गणना आज सकिने निर्वाचन आयोगले जनाएको छ ।
मंगलबार बिहान ६ बजे सम्म गणना भएको मतपरिणाम अनुसार नेकपा एमालेले अग्रस्थान कायमै राखेको छ । उसले २८ लाख १४ हजार ६५५ मत मत पाएको छ । दोस्रो स्थानमा रहेको नेपाली कांग्रसले २६ लाख ८८ हजार २१८ मत पाएको छ । तेस्रोमा रहेको नेकपा माओवादी केन्द्रले ११ लाख ६४ हजार १०२ मत पाएको छ ।
यसै चुनावबाट उदाएको सीके राउत नेतृत्वको जनमत पार्टीले ३ लाख ९४ हजार ५३८ मत पाएको छ । माधव नेपाल नेतृत्वको नेकपा एकीकृत समाजवादीले भने २ लाख ९६ हजार ९० मत मात्र पाएको छ । प्रत्यक्षतर्फको अन्तिम परिणाम भने आइसकेको छ ।
२० मंसिर २०७९, मंगलवार ०९:०८ मा प्रकाशित
