पोखरा, पोखरा महानगरपालिका वडा न.२ का पुर्व वडाध्यक्ष एबम नेपाली काँग्रेसका नेता रामेश्वर मल्ललाई मातृशोक परेको छ। मल्लकी आमा धार्मिक व्यक्तित्व शुभद्रा मल्लको ९३ बर्षको उमेरमा अघिल्लो साता आंफ्नो निवास पोखराको मोहरिया टोलमा निधन भएको हो।
स्व. मल्लका तिन छोरा रहेकोमा जेठा छोरा पुर्व वडाध्यक्ष रामेश्वर मल्ल हुन् भने माइला जगदिश्वर मल्ल र कान्छा छोरा मुक्तिश्वर मल्ल रहेका छन। उनका चारजना छोरीहरु सुलोचना, सुमित्रा सुष्मा र सुशिला रहेको पारिबारिक श्रोतले जानकारी दिएको छ ।
यसैबीच नेपाली काँग्रेस पोखरा महानगरसमितिका सभापति सुरेन्द्रमान बिजुक्छे र पोखरा महानगरपालिका वडा न.२ का अध्यक्ष दिवसमान प्रधानांग सहित बिभिन्न व्यक्ति र संस्थाले पोखरा -२ का पुर्व वडाध्य्क्ष रामेश्वर मल्लकी आमाको निधन भएको भन्दै गहिरो दुख व्यक्त गरेका छन। उनीहरुले जारी गरेको शोक बिज्ञप्तीमा मल्ल परिवारमा समबेदना प्रकट गरिएको छ ।
