पोखरा, नेपाली कांग्रेसका तल्लो तहका कार्यकर्तालाई मतदाता शिक्षा प्रदान गर्ने उद्देश्यले नेपाली काँग्रेस पोखरा महानगरपालिका कार्यसमितिले प्रशिक्षण कार्यक्रम गरेको जनाएको छ । पार्टीको महानगरसमितिका सभापति सुरेन्द्रमान बिजुक्छेका अनुसार महानगरका ३३ वडाका सभापति र पदाधिकारीहरुको सहभागितामा उक्त कार्यक्रम गरिएको हो ।

वडास्तरका कार्यकर्ताहरुलाई पार्टीको चुनाबी रणनीति र चुनाबको लागि आबश्यक पर्ने मतदाता शिक्षाको बारेमा बुझाउन उक्त कार्यक्रम गरिएको र कार्यक्रमका सहभागीहरुले आआफ्नो वडामा पुगेर वडास्तरमा यस्तै किसिमको कार्यक्रम गर्ने सभापति बिजुक्छेले गुरुकुल खबरलाई जानकारी दिए ।

कार्यक्रममा नेपाली कांग्रेसका निवर्तमान सहमहामन्त्री जीवन परियार र प्राध्यापक डा. कुशुमाकार न्यौपानेले सहजीकरण गरेका थिए। नेपाली कांग्रेस पोखरा महानगरपालिकाका सभापति बिजुक्छेको अध्यक्षतामा भएको कार्यक्रममा निवर्तमान सभापति बजिरमान श्रेष्ठ, महिला नेत्री माया बराल, उपसभापति प्रयागराज भण्डारी, सचिव टुबराज बास्तोला र परमेश्वर कार्की लगायतले आआफ्नो भनाई राखेका थिए।