लेखनाथ (पोखरा), पोखरा महानगरपालिका वडा नं २७ रिठेपानी स्थित राईजिङ्ग स्टार युथ क्लबको भण्डारी टोलस्थित भलिवल कोर्टमा जारी नवौं राईजिङ्ग स्टार खुल्ला वडास्तरीय भलिवल प्रतियोगितामा आयोजक टिम पनि फाइनलमा प्रवेश गरेको छ ।
यससँगै आज शनिवार बागलुङ्गको ढोरपाटन समूह र पर्वत मोदीको बाजुङ्ग समूह मध्येको विजेतासँग हुने सेमिफाइनल खेलको बिजेतासंग आयोजक बी समूहले फाइनल खेल खेल्ने तय भएको छ । शुक्रवार विभिन्न आठ खेलहरु सम्पन्न भएका प्रतियोगिता संयोजक ईश्वर खत्रीले जानकारी दिए ।
क्लवका अध्यक्ष तिलबहादुर गुरुङ अनिलको अध्यक्षतामा भएको कार्यक्रम पूर्व अध्यक्ष विष्णुप्रसाद गुरुङले सञ्चालन गरेका थिए ।
शनिवारका फाइनल खेल सकिए लगत्तै क्लबका आजीवन संरक्षक पोखरा महानगरापालिका वडा नम्वर २७ का वडाध्यक्ष पूर्णकुमार गुरुङले समापन तथा पुरस्कार वितरण गर्ने कार्यक्रम रहेको आयोजकले जनाएको छ ।
१५ टिमको सहभागिता रहेको प्रतियोगिताको बिजयी समूहले १ लाख ११ हजार एक सय ११, उप विजेता समूहले ५५ हजार पाँच सय ५५ र तृतीय हुने दुई समूहलाई १०/१० हजार रुपैया प्रदान गरिने छ भने अन्य उत्कृष्ट खेलाडीलाई विधा अनुसारको पुरस्कार प्रदान गरिने वताइएको छ ।
