पोखरा, जापानको राजधानी शहर टोकियोमा सडक दुर्घटनामा परेर पोखराकी प्रिती सुनार नामकी एक युवतीको मृत्यु भएको छ ।
टोकियोस्थित काचुशिका सिटीको कामेअरीको सडकमा जेब्राक्रस पार गर्ने क्रममा डिसेम्बर २८ गते राति तिब्र गतिमा आएको कारले ठक्कर दिंदा उनको मृत्यु भएको बताइएको छ।
उनको नेपाल घर पोखरामा रहेको बताइएको कास्की पोखरा समाज जापानका अध्यक्ष कमल बास्तोलाले जानकारी दिएका छन।
अध्ययनको लागि सन् २०२३ को जुलाईमा जापान पुगेकी प्रिती टोकियोको तातसु कलेज अफ टेक्नोलोजीमा अध्ययनरत रहेको बुझिएको छ ।
१८ पुष २०८२, शुक्रबार १५:५६ मा प्रकाशित
