पोखरा,  पोखरा विश्वबिधालयमा प्राध्यापनरत रबिन्द्र बराललाई मातृशोक परेको छ। उनकी आमा पोखरा महानगरपालिका -१३ आर्वा निवासी लिलादेबी बरालको ७७ बर्षको उमेरमा आज मंगलवार बिहान ४ बजे उपचारकै क्रममा निधन भएको हो।

बिगत केहि बर्षदेखि शारीरिक रुपमा अशक्त रहेकी उनको स्वास्थ्यमा पछिल्लो समय अन्य समस्या पनि देखिएको थियो।  त्यसपछि उनलाई उपचारको लागि पोखराको मणिपाल शिक्षण अस्पतालमा भर्ना गरिएको बरालका छिमेकी समेत रहेका नेपाली काँग्रेस पोखरा महानगर समितिका उपसभापति भवसागर बरालले गुरुकुल खबरलाई जानकारी दिए ।

स्व. बरालका श्रीमान कृष्णप्रसाद बराल, छोराहरु दामोदर बराल, गोपाल बराल र रबिन्द्र बराल सहित एक छोरी पनि छन। छोराहरु मध्ये दामोदर र गोपाल नेपाल सरकारी सेवा अर्थात निजामती कर्मचारी हुन।

अर्का छोरा रबिन्द्र बराल पोखरा बिश्वबिद्यालयका उपप्राध्यापक छन । उनि यस अगाडी पोखरा बिश्वबिद्यालय कर्मचारी संघको अध्यक्ष समेत रहेर काम गरेको पोखरा विश्वबिद्यालयका सहप्रशासक तेजनारायण पराजुलीले जानकारी दिए । उनि नेपाली काँग्रेस पोखरा महानगर कार्यसमितिको सदस्य समेत हुन।

यसैबीच, नेपाली काँग्रेस पोखरा महानगरसमितिका सभापति सुरेन्द्र बिजुक्छेले कार्यसमितिका सदस्य रबिन्द्र बरालकी आमाको असामयिक निधन प्रति दुख ब्यक्त गर्दै शोकमा रहेका रबिन्द्र बराल सहित परिवारजनमा समबेदना प्रकट गरेको जनाएका छन।