पोखरा, पोखरा महानगरपालिका -२३ औसेलुचौर टोल विकास संस्थाको आव्हानमा बिहिबार टोलको सडक सफाई कार्यक्रम सम्पन्न गरिएको छ। स्थानीय मार्सेबाट औसेलुचौरसम्म पुग्ने गोरेटो बाटोको सरसफाई गरिएको संस्थाका अध्यक्ष माधव चापागाईंले गुरुकुल खबरलाई जानकारी दिए ।
नेपालीहरुको महान पर्ब दशैं लगायतका चाड पर्ब नजिकिंदै गर्दा देश बिदेशमा गएकाहरु समेत चाडबाड मनाउन गाउँमा पुग्ने भएकोले पनि उक्त सडक सफाई गरिएको स्थानीय अग्रज गुरुदत्त पराजुलीले जानकारी दिए। स्थानीय युवा मोतिलाल पराजुलीका अनुसार स्थानीय अगुवाहरु भोजराज पराजुली, चिन्तामणि पराजुली, नारायण पराजुली, गंगाधर चापागाईं, हिमलाल चापागाईं, बिमल पराजुली, पुण्यप्रसाद पराजुली लगायत आमा समूहका अध्यक्ष सहित सदस्यहरुको सहभागिता रहेको थियो।
औसेलुचौर पुग्नको लागि घाटीछिनाबाट र चापाकोटको घडेरीबाट मोटर बाटो रहेपनि अझैसम्म कच्ची रहेको कारण अधिकांश सर्बसाधारण मार्सेबाट हिंडेर औसेलुचौर पुग्ने गर्छन । उक्त गोरेटो बाटोमा बर्षाको समयमा झारपात उम्रिएर वा अन्य कारणले बिग्रिएकोमा स्थानीय गाउँलेहरुले बाटोको सामान्य मर्मत सहित सरसफाई गरेका थिए।
औसेलुचौर गाउँका सबैजसो बासिन्दाहरु जम्मा भएर मार्सेबाट औसेलुचौरमाथि भुलभुले सम्म पुग्ने गोरेटो बाटोको सरसफाई गरेको बुझिएको छ।
