पोखरा, पोखराका लोकप्रिय गायक चोलेन्द्र पौडेल र गायिका तुलसी क्षत्रीको स्वरमा रहेको ‘घर मेरो कास्की ’ बोलको गीत हालै सार्वजनिक भएको छ।
गायिका तुलसी क्षेत्रीको आफ्नै युट्युब च्यानलबाट उक्त गीतको म्युजिक भिडिओ सार्वजनिक भएको हो। चोलेन्द्र पौडेलको शब्द र संगीत रहेको गीतको भिडियोमा सुनिल क्षेत्री र अस्मिता रणपालको अभिनय रहेको र भिडिओलाई होम गुरुङले निर्देशन गरेको पौडेलले गुरुकुल खबरलाई जानकारी दिए।
अबी वाग्लेले कोरियोग्राफी गरेको भिडियो गणेश सापकोटाले खिचेका हुन् भने अमृत चापागाईंले सम्पादन गरेका हुन् ।
पौडेलले यस अगाडी पनि धेरै गीतमा स्वर दिएका छन भने सांस्कृतिक कार्यक्रम संचालन गर्न र गायनको लागि देश बिदेशमा पुगिसकेका छन गायीका क्षेत्रीले स्वर भरेका ‘जाम झोला बोकेर’, ‘मोहनी बोलीमा’, ‘मोहनी फुकाईदेउ’, ‘दाइ दाइ नभन मलाई’ लगायत गीत पनि गीतसंगीतका पारखीले रुचाइएका गीत हुन ।
राष्ट्रिय लोक तथा दोहोरी गीत प्रतिष्ठान नेपाल जिल्ला कार्यसमिति कास्कीको अध्यक्ष रहेकी क्षेत्री र प्रतिष्ठानको गण्डकी प्रदेश अध्यक्ष भैसकेका पौडेल नेपाल सांस्कृतिक संघको केन्द्रीय उपमहसचिब समेत हुन उनीहरु दुबैजनाले विभिन्न मुलुकमा पुगेर आआफ्नो प्रस्तुती दिएको छन ।
