काठमाडौँ,  भारतीय लोकप्रिय एबम दिग्गज गायिका आशा भोसलेलाई हृदयाघात भएको छ । ९२ वर्षीया आशालाई हृदयघातका कारण अस्पताल भर्ना भएको भारतीय सञ्चारमाध्यमले जनाएका छन् । मुटुसम्बन्धी (कार्डियाक) र श्वासप्रश्वाससम्बन्धी समस्या देखिएपछि शनिबार उनलाई मुम्बईस्थित ब्रीच क्यान्डी अस्पतालको आईसीयूमा भर्ना गरिएको हो।

९२ वर्षीया भोस्ले पछिल्लो केही महिनादेखि अस्वस्थ रहँदै आएकी थिइन्। अस्पताल स्रोतका अनुसार अहिले उनको अवस्था गम्भीर रहेको भारतीय संचारमाध्यमले जनाएका छन्।  उनको स्वास्थ्य अवस्थाबारे परिवारले अहिलेसम्म आधिकारिक प्रतिक्रिया दिएको छैन।

भारतीय संगीत क्षेत्रकी दिग्गज गायिका भोस्लेले ८ दशकभन्दा लामो करिअरमा हजारौं गीत गाएकी छन्। उनले थुप्रै कालजयी र सुमधुर नेपाली गीतमा समेत स्वर दिएकी छन्।

केही महिनादेखि उनी अस्वस्थ रहेको भारतीय सञ्चारमाध्यहरूले उल्लेख गरेका छन । उनलाई मुम्बईस्थित ब्रिच क्याण्डी अस्पतालमा भर्ना भएको टाइम्स अफ इण्डियाले जनाएको छ।