पोखरा, कास्कीको अन्नपूर्ण गाउँपालिका -७ तान्चोक पुरानो घर भई हाल पोखरा महानगरपालिका – १२ फुलबारी घर भएका पुर्व भारतीय सैनिक जगनध्वज गुरुंगको ८२ बर्षको उमेरमा निधन भएको छ ।

स्व. गुरुङ नेपाली काँग्रेसको गण्डकी प्रदेश प्रतिनिधि एबम नेपाल लोकतन्त्रवादी आदिवासी जनजाति महासंघको महाधिवेशन प्रतिनिधि शान्ति गुरुङका ससुरा (बाजे) हुन ।

गुरुङको बुधबार निधन भएको भएपनि उनको अन्त्येष्टि भने शुक्रबार दिउँसो हुने भएको छ। स्व. गुरुङका भतिज एबम पोखराका संचारकर्मी राजबहादुर गुरुङका अनुसार छोराहरु नेपाल बाहिर रहेको र उनीहरु आउन समय लागेकोले अन्त्येष्टिमा ढिलाई भएको हो ।

शुक्रबार मध्यान्ह पोखराको फुलबारीबाट शबयात्रा गरि बौध्द अर्घौं सदन रामघाटमा स्व. गुरुङको अन्त्येष्टि गरिने भएको छ उनका तिन छोरा र एक छोरी छन ।