काठमाडौँ, नइ एकेडेमीबाट अग्रज नाटककार, आख्यानकार सहित कवि विजय मल्लको शताब्दी महोत्सवका अवसरमा विजय मल्लका सिर्जनात्मक योगदानको अध्ययन र विद्यावारिधि अनुसन्धानमा समर्पित भई महत्त्वपूर्ण प्राज्ञिक कार्य गरेबापत नेपाल भारतका सात जना स्रष्टालाई ‘विजय मल्ल नइ शताब्दी पुरस्कार’ प्रदान गरिने भएको छ ।

यी पुरस्कारका राशि जनही पच्चिस पच्चिस हजार रुपियाँ रहेका नई एकेडमीले जनाएको छ ।

‘विजय मल्ल नइ शताब्दी पुरस्कार’बाट पुरस्कृत हुने प्राज्ञहरूमा डा.रमा शिवाकोटी, डा.साधना पन्त ‘प्रतीक्षा’, डा.लेखराज खतिवडा, डा.गोपालप्रसाद गैरे, डा.भगवानचन्द्र ज्ञवाली, डा.नित्यानन्द खतिवडा र प्रा.डा.कृष्णराज घतानी रहेका छन ।

नइ एकेडेमीका कुलपति श्रीमती इन्दिरा प्रसाईको अध्यक्षतामा  बसेको नइ एकेडेमीको बैठकले उक्त निर्णय गरेको नई एकेडमीकका सदस्य सचिब नरेन्द्रराज प्रसाईले गुरुकुल खबरलाई जानकारी दिए ।