पोखरा, आगामी फागुन २१ गते हुने प्रतिनिधिसभा निर्वाचन अन्तर्गत माघ ६ गते हुने मनोनयनका लागि नेकपा एमालेले गण्डकी प्रदेशका ११ जिलाका सबै निर्वाचन क्षेत्रमा उम्मेदवारको टुंगो लगाएको छ । शनिबार करिब ७ घण्टासम्म चलेको पार्टीको सचिवालय बैठकले देशका अन्य जिल्लासहित गण्डकीका ११ वटै जिल्लाका १८ वटा निर्वाचन क्षेत्रमा उम्मेदवारहरू छनोट गरेको हो ।

कास्कीको तीनवटा क्षेत्रमा पनि एमालेले नयाँ अनुहारलाई उमेदवार बनाउने चर्चाको बीचमा पुरानो अनुहारलाई नै उमेदवार बनाएको छ। जस अनुसार कास्की -१ मा बैनबहादुर क्षेत्री, कास्की -२ मा कृष्ण थापा र कास्की -३ मा दामोदर बैरागीलाई उम्मेदवार बनाइने भएको छ।

कास्की -१ मा उमेद्वार बन्ने क्षत्री नेकपा एमाले कास्कीका अध्यक्ष हुन। उनि जिल्ला समन्वय समिति कास्कीको प्रमुख समेत भएर जिम्मेवारी लिईसकेको व्यक्ति हुन। त्यस क्षेत्रबाट यस अगाडिका प्रतिनिधि सभा सदस्य मनबहादुर गुरुङ र दिलिप न्यौपानेको चर्चा चलेको भएपनि  गुरुङले उमेदवार बन्न तिब्र चाहना नदेखाएको र न्यौपानेलाई नयाँ युवाको रुपमा चित्रण गर्दै उमेदवार नबनाएको बुझिएको छ।

कास्की -२ मा उमेदवार बन्ने थापा गण्डकी प्रदेशका पुर्व सांसद एबम तत्कालिन पोखरा उपमहानगरपालिकाका प्रमुख समेत हुन। उनले यस अगाडी पोखरा महानगरपालिकाको प्रमुखको उमेद्वार बनेकोमा एमालेबाट फुटेर बनेको नेकपा एकीकृत समाजबादीका उमेद्वार धनराज आचार्यबाट पराजित भएका थिए। त्यसबेला आचार्य नेपाली काँग्रेससंग भएको गठबन्धनबाट उमेदवार बनेका थिए। यस क्षेत्रबाट हाली केन्द्रीय सदस्य बनेका र बिधार्थी राजनीतिबाट आएका रश्मि आचार्य र पुर्व प्रदेश सांसद प्रभा कोइरालाको नाम पनि चर्चामा रहेको थियो। तर, थापाले यस क्षेत्रका अन्यको भन्दा धेरै मतदाता चिन्न सक्ने भएको कारण उनलाई उमेदवार बनाएको एमाले श्रोतले जनाएको छ ।

यसैगरी कास्की -३ बाट उमेदवार बनेका बैरागी यस अगाडीको प्रतिनिधि सभा सदस्यको निर्बाचनमा बिजयी भएका थिए। उनि कास्कीको अन्नपुर्ण गाउँपालिकाका स्थायी बासिन्दा हुन। उनि संगै पुर्ब खेलकुद मन्त्री बनेका जगत बिश्वकर्माको नाम समेत चर्चामा थियो बिश्वकर्मा बैरागी भन्दा अगाडी सोहि क्षेत्रबाट निर्बाचित भएर खेलकुद मन्त्री पनि बनेका थिए । त्यस क्षेत्रमा दलित बर्गका मतदाताको संख्या पनि उल्लेखनिय रहेकोले बिश्वकर्माको पनि चर्चा धेरै चलेपनि अन्तत बैरागीलाई नै पार्टीले उमेदवार बनाउने निर्णय गरेको बताइन्छ ।

एमालेले अधिकांश पुराना अनुहारलाई उमेदवार बनाएको छ। केहि नयाँ अनुहारले पनि एमालेबाट उमेदवार बन्ने अवसर प्राप्त गरेका छन। एमालेका उपसभापति समेत रहेका गण्डकी प्रदेशका पुर्व मुख्यमन्त्री एबम पुर्ब संचारमन्त्री पृथ्वीसुब्बा गुरुङले लमजुंगबाट चुनाब लड्ने भएका छन भने अघिल्लो पटक चुनाब जितेर मन्त्री बनेका पर्वतका पदम गिरि यसपटक पनि चुनाब लड्ने भएका छन ।

यस्तै, गोरखा क्षेत्र नम्बर २ मा एमालेले मिलन गुरुङ (चक्रे मिलन) लाई टिकट दिएको छ भने गोरखा १ मा आर.सी. लामिछाने उम्मेदवार बनेका छन् । तनहुँमा भगवती न्यौपाने र केदार सिग्देलले टिकट पाउँदा स्याङ्जामा मीनप्रसाद गुरुङ र खिमबहादुर थापा चुनावी मैदानमा होमिने भएका छन् । खिमबहादुर कालीगण्डकी गाउँपालिकाका वहालवाला अध्यक्ष हुन् । हिमाली जिल्ला मुस्ताङबाट इन्द्रधारा विष्ट र मनाङबाट पोल्देन सोताङ गुरुङले टिकट पाएका छन् । बागलुङमा हीरा केसी र मञ्जु शर्मा चालिसेलाई उम्मेदवार बनाइएको छ ।

नेकपा एमालेका उमेदवारहरु